الدىڭعى كۇنى اقش-تان كەيىن پولشا دا رەسەيدىڭ ءۇش ديپلوماتىن قۋدى، كەلەسى كەزەك كىمدىكى ەكەن دەگەنبىز. كەلەسى كەزەك چەحيانىكى ەكەن، ولار دا بىردەن 18 ديپلوماتتى ەلدەن قۋىپتى. راس بولدى - ولار ەشقانداي دا ديپلومات ەمەس، جۇرگەن جەرلەرىندە تەك قانا شپيوندىقپەن اينالىسقان.

سونداي-اق رەسەيدىڭ سانكت-پەتەربۋرگتەگى ۋكراينانىڭ كونسۋلىن كەتىرۋىنە جاۋاپ رەتىندە ۋكراينا دا رەسەيدىڭ كيەۆتەگى كونسۋلىنا 19.04. باستاپ 72 ساعات ىشىندە ەلدەن كەتۋىن تالاپ ەتىپتى.

رەسەيدىڭ كەشەگى اقش سانكتسيالارىنا جاۋابىن مەم. دەپارتامەنت مۇنى رەسەيدىڭ قىرعي-قاباق سوعىسىنىڭ جاڭا، جوعارعى ساتىسىنا وتكەندىگىنە كەلىسكەندىگى دەپ باعالاپتى. ولاي ىستەمەگەندەرىڭ دۇرىس ەدى دەپتى.
مۇنى ديپلوماتيالىق تىلدەن قازاقشا جالپاق تىلگە اۋدارعاندا جوبامەن بىلاي بولىپ شىعادى - جارايدى، سولاي-اق بولسىن. نەگىزى سانكتسيا سىزدەرگە وزدەرىڭىزدىڭ قىلىقتارىڭىزعا بايلانىستى سالىنىپ ەدى، بىراق ونى دۇرىس تۇسىنبەپسىزدەر، تۇزەلۋدىڭ ورنىنا قارسى سانكتسيا سالۋعا تىرىسىپسىزدار. ەندى بىزگە وكپەلەمەڭىزدەر، الدارىڭىزدان وتتىك دەگەن بولىپ شىعادى.

مەم. دەپارتامەنتتىڭ سوزىنە قاراعاندا ديپلوماتيالىق سوعىس ودان ءارى ورىستەيدى، قارسى جاۋاپ بەرىلەدى جانە ول رف ءۇشىن تىم اۋىر بولۋى مۇمكىن. اقش بۇدان بىلاي رف سياقتىلاردىڭ ەركەلىگىن كوتەرە المايتىنى بەلگىلى بولدى - جەتەر ەندى، ويناساق تا ءبىراز جەرگە بارىپپىز دەپ وتىر.

قۋانىش ەدىلحانتەگى

Abai.kz