جەر كوميسسياسىنىڭ مۇشەسى مۇحتار تايجان ەرتەڭگى وتىرىستا جەردى جەكەمەنشىككە بەرۋ تۋرالى ۇسىنىس قابىلدانسا، 7 مامىر كۇنى جالپى ۇلتتىق ميتينگ ۇيىمداستىراتىنىن مالىمدەدى.

- ەرتەڭ جەر كوميسسيا حالىق قالامايتىنداي شەشىم شىعارسا، وندا 7 مامىردا جالپى ۇلتتىق ميتينگ ۇيىمداستىرامىز. كەرەك بولسا، اپتا سايىن شىعاتىن بولامىز.

ول كەش بولمايدى، سەبەبى جەر كوميسسيا شىعارعان شەشىم ول قابىلدانعان زاڭ ەمەس. زاڭدى ءماجىلىس پەن سەنات قابىلدايدى، پرەزيدەنت قول قويادى. سوندىقتان 7 مامىر كەش بولمايدى،- دەپ جازدى facebook پاراقشاسىندا.

سونىمەن قاتار تايجان مىرزا  24-ءساۋىر كۇنى دەمپارتيا جەتەكشىسى جانبولات ماماي ۇيىمداستىرىپ جاتقان ميتينگىگە دە شىعۋعا قارسى ەمەس ەكەنىن ءبىلدىردى.

-ەرتەڭگى جەر ءۇشىن ميتينگىگە شىقپاڭدار دەپ ايتقان جوقپىن، وعان دا شىعىڭىزدار. ول دا كەرەك، سەبەبى ماقسات ءبىر - جەردى ساقتاپ قالۋ,- دەيدى جەر كوميسسياسىنىڭ مۇشەسى.

ايتا كەتەيىك، بۇعان دەيىن ول بيلىك وكىلدەرى جەردى جەكە مەنشىككە بەرۋدى استىرتىن جۇزەگە اسىرىپ جاتۋى مۇمكىن دەپ مالىمدەگەن بولاتىن. ال، جەر كومنىڭ الداعى وتىرىسى ەرتەڭ، 24 ءساۋىر كۇنى وتپەك.

Abai.kz