قازاقستاندا لاتىن گرافيكاسىنا نەگىزدەلگەن قازاق ءالىپبيىنىڭ جاڭا نۇسقاسى تالقىلاۋعا شىعارىلدى. 21 ساۋىردە legalacts.egov.kz سايتىندا "قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋدىڭ كەيبىر ماسەلەلەرى تۋرالى" قازاقستان پرەزيدەنتى جارلىعىنىڭ جوباسى جاريالاندى.

تالقىلاۋ 6 مامىرعا دەيىن سوزىلادى. وعان كەز كەلگەن ادام پىكىرىن قالدىرا الادى.

جاڭا نۇسقانىڭ قاڭتار ايىندا تانىستىرىلعان ۇلگىسىنەن ءسال ايىرماشىلىعى بار. ەگەر بۇرىنعى نۇسقادا "ڭ" ءارپى – "Ƞ" بولىپ تاڭبالانسا، قازىرگى نۇسقاسىندا "Ñ" بولىپ بەرىلگەن.

بۇعان دەيىن ۇكىمەت ءالىپبي قازاق ءتىلىنىڭ جازۋ داستۇرىندە ورنىققان ء"بىر دىبىس – ءبىر ءارىپ" پرينتسيپىنە تولىق سايكەس كەلەدى دەپ مالىمدەگەن ەدى.

ۇكىمەت جاڭا الىپبيگە كوشۋدى 2023 جىلدان 2031 جىلعا دەيىن جۇرگىزۋدى جوسپارلاپ وتىر.

قازاقستاننىڭ بۇرىنعى پرەزيدەنتى نۇرسۇلتان نازارباەۆ 2017 جىلى قازاق ءتىلى ءالىپبيىن لاتىن گرافيكاسىنا كوشىرۋدى تاپسىرعان. بۇل – لاتىن قارپى نەگىزىندەگى قازاق ءالىپبيىنىڭ بيلىك ۇسىنعان بەسىنشى نۇسقاسى.

نازارباەۆ تاپسىرماسىنان سوڭ لاتىن گرافيكاسىنداعى ءالىپبيدىڭ ەكى نۇسقاسى تانىستىرىلىپ، ەكەۋى دە سىنعا ۇشىراعان ەدى.

نازارباەۆ 2018 جىلى 19 اقپاندا قاۋلى قابىلداپ، لاتىن گرافيكاسىنا نەگىزدەلگەن قازاق ءتىلىنىڭ جاڭا ءالىپبي نۇسقاسىن بەكىتكەن. بۇل نۇسقاعا دا قوعامدا نارازىلىق بولعان.

باتىس باسىلىمدارى قازاقستاننىڭ لاتىن الىپبيىنە كوشۋ باستاماسىن "رەسەيدەن ىرگەسىن اۋلاق سالۋ" دەپ باعالاعان.

Abai.kz