28 ءساۋىر كۇنى قىرعىزستان مەن تاجىكستان شەكاراسىندا قاقتىعىس بولدى. قاقتىعىسقا ەكى ەل ازاماتتارى قاتىسقان.  قوس تاراپتان 100-150 ادام جينالىپ، ءبىر-بىرىنە تاس لاقتىرعان.  

قاقتىعىس تاجىكستاننىڭ بەينەباقىلاۋ كامەراسىن سۋ قويماسىنىڭ ماڭىنا ورناتۋىنان تۋىنداعان. تاجىك تاراپى كامەرانى سۋدى ادىلەتتى ءبولۋ پروتسەسىن باقىلاۋ ماقساتىندا ورناتقان. ءدال سونداي باقىلاۋ كامەراسىن قىرعىزستان بۇدان بىرنەشە اي بۇرىن ورناتقان ەدى.

قاقتىعىستا ەكى تاراپتان دا جاراقات العاندار بار. تاجىكستان تاراپىنان 15 تۇرعىن، قىرعىزستان تاراپىنان 2 تۇرعىن تاس ءتيىپ، جارالانعان. قازىرگى ۋاقىتتا تاراپتار كەلىسسوز جۇرگىزىپ جاتىر.

Abai.kz