بەيسەنبى كۇنى ەۋروپارلامەنت رەسەي ارمياسى ۋكراينا ايماعىنا باسىپ كىرسە، ماسكەۋگە قارسى قاتاڭ ساكتسيالار ەنگىزۋدى كوزدەيتىن رەزوليۋتسيا جوباسىن ماقۇلدادى.

قاماۋداعى رەسەيلىك وپپوزيتسيانەر الەكسەي ناۆالنىيدىڭ قۇقىقتارىنىڭ بۇزىلۋىنا، ورىس كۇشتەرىنىڭ ۋكراينا شەكاراسىنا جاقىن جەرلەرگە توپتالۋىنا جانە ورىس ارنايى قىزمەتتەرى ايىپتالىپ جاتقان 2014 جىلى چەحياداعى قارۋ ساقتايتىن قويمانىڭ جارىلۋىنا بايلانىستى قارسى شارا قولداناتىن رەزوليۋتسيانى 569 دەپۋتات قولداپ، 67-ءسى قارسى داۋىس بەرگەن.

قۇجاتتا رەسەي ارمياسى ۋكراينا ايماعىنا باسىپ كىرسە، ماسكەۋگە قارسى قاتال سانكتسيالار ەنگىزۋ جازىلعان. ولاردىڭ اراسىندا رەسەيدىڭ بانك تولەمدەرىنىڭ حالىقارالىق SWIFT جۇيەسىن ءوشىرۋ، رەسەيدەن مۇناي جانە گاز يمپورتىنا ەمبارگو كىرگىزۋ، رەسەيلىك وليگارحتار مەن ولاردىڭ مۇشەلەرىنىڭ ەو ايماعىنا كىرۋىنە تىيىم سالۋ، ولاردىڭ اكتيۆتەرىن قاماۋعا الۋ، "سولتۇستىك اعىم — 2" گاز قۇبىرى قۇرىلىسىن توقتاتۋ، ناۆالنىيدى قۋعىنداۋعا قاتىسقان ادامدارعا سانكتسيا سالۋ، چەحياعا قولداۋ كورسەتۋ رەتىندە ەو-وداعى ورىس ەلشىلەرىن شىعارۋ جانە كوررۋپتسياعا قاتىستى قىلمىس جاساعاندار ءۇشىن "ماگنيتسكي زاڭىنىڭ" ەۋروپالىق بالاماسىن ازىرلەۋ.

رەسەيدى SWIFT جۇيەسىنەن ءوشىرۋ جانە گاز بەن مۇناي ساتىپ الۋدى توقتاتۋ جونىندەگى ۇسىنىستار وسىعان دەيىن ايتىلىپ كەلگەن. ەۋروپارلامەنت دەپۋتاتتارى مۇنداي شارالار رەسەيدى ۋكرايناعا قارسى اگرەسسيۆتى جوسپارلارىنان باس تارتۋعا ماجبۇرلەيدى دەپ ەسەپتەيدى.

ەۆروپارلامەنت قاڭتاردا الەكسەي ناۆالنىي قاماۋعا الىنعاننان كەيىن "سولتۇستىك اعىن — 2" جوباسىن توقتاتۋ جانە وليگارحتارعا قارسى سانكتسيا سالۋ سەكىلدى ۇسىنىستار بەرگەن. بىراق ەو وندا رەسەيدىڭ بىرقاتار كۇش قۇرىلىمدارى مەكەمەلەرىنىڭ باسشىلارىنا عانا سانكتسيا سالعان.

وسىعان دەيىن ەو سىرتقى ساياسات سالاسىنىڭ باسشىسى جوزەپ بوررەل ەۋروپارلامەنت سەسسياسىندا سويلەپ، رەسەيدى SWIFT جۇيەسىنەن ءوشىرۋ جانە "سولتۇستىك اعىن —2" گاز قۇبىرى قۇرىلىسىن توقتاتۋ ەۋروپا وداعىنىڭ قۇزىرەتىنە كىرمەيتىنىن مالىمدەگەن. ال رەسەي تاراپى ەو-مەن قارسىلاسۋعا باعىت العانىن، بىراق وعان قاراماستان، ديالوگتى ساقتاپ قالۋ ماڭىزدى ەكەنىن جەتكىزگەن.

Abai.kz