"قازاقستاننىڭ 100 جاڭا ەسىمى" جوباسىنىڭ قورىتىندىسى شىقتى. جوبا بيىل ءتورتىنشى مارتە ۇيىمداستىرلىپ تۇر. العاش رەت 2017 جىلى ۇيىمداستىرىلعان ەدى.

جالپى جوبانىڭ ماقساتى ەلىمىزدىڭ دامۋىنا ۇلەس قوسقان ازاماتتاردى ەلگە تانىتۋ، قوعامعا ايشىقتاۋ بولىپ تابىلادى. 2017, 2018, 2019, 2021 جىلدارى ۇيىمداستىرىلدى. وسى ۋاقىتقا دەيىن جوباعا 5 مىڭنان استام ازامات قاتىسقان. ولاردىڭ ءار بىرەۋى دە ەل دامۋىنا تەڭدەسسىز ۇلەس قوسىپ جۇرگەن ازاماتتار، ءوز سالالارىنىڭ مايتالماندارى. بيىل دا جوبا جالعاسىن تاپتى. مىسالى 2017 جىلى 102 ادام جوبادا جەڭىمپاز دەپ تانىلعان، ال قاتىسقاندار سانى 2098 ادام بولعان ەدى. 2018 جىلى قاتىسقاندار سانى 1111 ادام، ال جەڭىمپازدار سانى 29 ادام بولدى. 2019 جىلى 1673 ادام قاتىسىپ، 32 ادام جەڭىمپاز اتاندى. 2021 جىلى دا جوبا جالعاسىن تاۋىپ، قاتىسۋشىلار ءوز مۇمكىندىكتەرىن، جەتىستىكتەرىن قوعامعا كورسەتتى. داۋىس بەرۋ ارقىلى جەڭىمپازدار انىقتالدى. جەڭىمپازداردى ماراپاتتاۋ شاراسى دا ۇيىمداستىرىلدى.

ءساۋىر ايىنىڭ 30 كۇنى جەڭىمپازدار قاتىسقان ارنايى سالتاناتتى شارا ۇيىمداستىرىلدى. شارا ونلاين جانە وفلاين فورماتىلدى ۇيىمداستىرىلدى. ەل پرەزيدەنتى قاسىم-جومارت توقاەۆ «قازاقستاننىڭ 100 جاڭا ەسىمى» جوباسىنىڭ جەڭىمپازدارىن قۇتتىقتاۋ راسىمىنە قاتىستى. ولاردىڭ ءوز تالانتىمەن، دارىنىمەن، قابىلەتىمەن، قاجىماس قايراتىمەن كوپشىلىكتى مويىنداتا بىلگەنىن، مەملەكەتىمىزدى وركەندەتۋگە ايىرىقشا ۇلەس قوسىپ، تاۋەلسىزدىكتى نىعايتۋعا بارىن سالىپ كەلە جاتقانىن ايتتى. جوباعا قاتىسۋشىلار ءبىزدىڭ حالقىمىزدىڭ ماقتانىشتارى، وزگە ەلدەر قازاقستاندى وسى ازاماتتار ارقىلى تانىپ، باعالايتىنىن دا ەل باسشىسى ءسوز اراسىندا ايتا كەتتى.

پرەزيدەنت قاپتىسۋشىلاردى قۇتتىقتاي وتىرىپ، بىلاي دەدى: "قازاقتىڭ قانداي حالىق ەكەنىن جەر جۇزىنە تانىتىپ جۇرگەن بىرنەشە ازامات وسى جوبانىڭ جەڭىمپازى اتاندى. ءبىز ءتۇرلى سالادا جەتىستىككە جەتكەن وسىنداي وتانداستارىمىزدىڭ ەڭبەگىن دارىپتەۋىمىز كەرەك. ويتكەنى تابىستى جانداردىڭ تاجىريبەسى ءاردايىم باسقالارعا ۇلگى-ونەگە. وسكەلەڭ ۇرپاق وزدەرىڭىزگە قاراپ بوي تۇزەيدى، ۇقساۋعا تىرىسادى. مەن ەلىمىزدىڭ ءاربىر پەرزەنتى سىزدەر سياقتى ونەگەلى بولسىن دەپ تىلەيمىن". پرەزيدەنت قۇتتىقتاۋ سوزىندە جوباعا قاتىسۋشىلاردىڭ وسىلايشا ەڭبەگىن اتاپ ءوتتى.

پرەزيدەنت جوبا جەڭىمپازدارىنىڭع جاستاردىڭ، تەرەڭ ءبىلىمىن، ءوز سالاسىنا دەگەن سۇيىسپەنشىلىگىن وزىق تاجىريبەلەرىمەن ۇشتاستىرا بىلگەن ازاماتتاردىڭ ەلىمىزدى العا جەتەلەيتىنىنە، ەكونوميكاسىنىڭ وركەندەپ، العا باسۋىنا ۇلەس قوساتىنىنا سەنىمدى. پرەزيدەنت ازاتتىقپەن قاناتتانىپ، العا جىلجىپ كەلە جاتقان بۋىننىڭ قارىم-قابىلەتىن اسا جوعارى باعالادى. ونى ەل باسشىسىنىڭ كەلەسى سوزدەرىنەن-اق بايقاۋعا بولادى.

ء"بىلىمدى ءارى سانالى ۇرپاق تاربيەلەۋ – بۇل اسا ماڭىزدى مەملەكەتتىك مىندەت. ەلىمىزدىڭ بولاشاعى دارىندى، وتانشىل جاستاردىڭ قولىندا بولۋى كەرەك. سولاي بولارىنا كامىل سەنەمىن. وسى ستراتەگيالىق ماقساتقا قول جەتكىزۋ ءۇشىن جۇيەلى رەفورمالاردى مىندەتتى تۇردە جالعاستىرامىز", – دەدى مەملەكەت باسشىسى قاسىم-جومارت كەمەلۇلى.

پرەزيدەنت قوعامىمىزداعى تاتۋلىق پەن دوستىقتى، بىرلىك پەن بەرەكەنى، كەلىسىم مەن جاسامپازدىقتى جاساپ كەلە جاتقان قازاقستاندىقتاردىڭ تەلەگەي ەڭبەگى دەپ بىلەتىنىن جەتكىزدى. ول تۋرالى مەملەكەت باسشىسى: "بۇل جەردە ءبىزدىڭ جەتىستىكتەرىمىزدى كورسەتەتىن كوپتەگەن ساندار مەن دەرەكتەردى مىسالعا كەلتىرۋگە بولادى. بىراق بارلىق تابىس ادامداردىڭ بەرەكەلى ومىرىمەن، جەتكەن جەتىستىگىمەن جانە كەمەل كەلەشەككە ۇمتىلىسىمەن ولشەنەتىنىن ەستە ۇستاۋىمىز كەرەك. سىزدەر ەلىمىزدىڭ بايلىعى ەكەندەرىڭىز ءسوزسىز. ءوسىپ-وركەندەگەن، ادىلەتتى، دامىعان قازاقستاندى قۇرۋ سىزدەرگە جۇكتەلەدى. سوندىقتان ادام كاپيتالىن جان-جاقتى دامىتۋ ءبىزدىڭ مەملەكەتىمىزدىڭ باستى باسىمدىعى بولعان جانە سولاي بولا بەرمەك", – دەدى.

جالپى جيىنتىعى وسى ۋاقىتقا دەيىن "رۋحاني جاڭعىرۋ" اياسىنداعى «قازاقستاننىڭ 100 جاڭا ەسىمى» جوباسىنا قاتىسۋشىلار سانى 7,5 مىڭ ادامنان اسادى. ولاردىڭ بارلىعى دەرلىك ەل دامۋىنا ءوز ۇلەسىن قووسىپ كەلە جاتقان جاستار، تالانتتى ماماندار مەن مامان يەلەرى.

ەستەرىڭىزدە بولسا يمانبەك 2019 جىلى وسى جوبانىڭ قاتىسۋشىسى، ارتىنشا جەڭىمپازى اتانعان ەدى. ونى دا ەل باسشىسى تىلگە تيەك ەتتى.

"وسى جوبانىڭ ارقاسىندا ءوزىنىڭ ەرەكشە ەمدەۋ تاسىلىمەن كوپتەگەن ادامعا پەرزەنت ءسۇيۋ باقىتىن سىيلاعان دارىگەر-رەپرودۋكتولوگ ايدوس يبراگيموۆتى بۇكىل ەلىمىز تانىدى. جوبانىڭ 2019 جىلعى قاتىسۋشىسى يمانبەك زەيكەنوۆ جاقىندا عانا «Grammy» سىيلىعىن جەڭىپ الىپ، ونىڭ اتى بۇكىل الەمگە جايىلدى. ونىڭ جەتىستىگى تەك قازاقستان ءۇشىن عانا ەمەس، تمد ءۇشىن دە تەڭدەسسىز. جوبانىڭ ءتورتىنشى ماۋسىم جەڭىمپازدارىنىڭ جەتىستىكتەرى دە ەشكىمدى بەي-جاي قالدىرمايدى", – دەدى پرەزيدەنت قاسىم-جومارت كەمەلۇلى.

مەملەكەت باسشىسى ءار قاتىسۋشىعا قارات ءسوز ارناپ، ولاردىڭ ەلىمىزدىڭ عىلىمى مەن بىلىمىنە، مەديتسينا مەن ادەبيەتكە، ونەر مەن سپورت سالاسىنا، تاريح پەن تانىمعا، بيولوگيا مەن گەوگرافياعا، ماتەماتيكا مەن ەكونوميكاعا، ولكەتانۋ مەن تۇلعاتانۋعا قوسىپ جاتقان ۇلەستەرىن دە ايتا كەتتى. قازاقستان جاستاردى قولداۋ جولىندا ءتۇرلى شارالاردى تاتقارىپ كەلەدى. مىسالى "بولاشاق" باعدارلاماسى سونى ءبىر دالەلى. وسى ۋاقىتقا دەيىن باعدارلاما اياسىندا 11 مىڭنان استام جاس ءبىلىم الىپ، ەلىمىزگە قايتا ورالدى. ولاردىڭ بىرقاتارى "100 جاڭا ەسىم" جوباسىنىڭ جەڭىمپازدارى اتالىپ جاتىر.

بيىل پاندەميالىق جاعدايعا بايلانىستى ونلاين فورماتتا ۇيىمداستىرىلعان "قازاقستاننىڭ 100 جاڭا ەسىمى" جوباسى جەڭىمپازدارىنىڭ كەزدەسۋىندە ستۋدەنت دارىن ءابىلجانوۆ، عالىم قايسار تابىنوۆ، ءىت-مامانى دامير نۇركەجانوۆ، حيميا ءپانىنىڭ جاس وقىتۋشىسى ۇلان ۇسەنوۆ، سىزۋ ءپانىنىڭ مۇعالىمى احات راقىشەۆ، ينجەنەر-ونەرتاپقىش سانجار تايجان مەن اقش-تىڭ حوككەي كلۋبىنا باس باپكەر بولعان تۇڭعىش قازاقستاندىق قىز بۇلبۇل قارتانباي، ەكولوگ ەكاتەرينا ۆيبە، الەم ادەبيەتىن قازاق تىلىنە اۋدارىپ جۇرگەن سەرىكجان قاجىتاي ءسوز سويلەپ، كوپشىلىكتى ءسۇيسىندىردى.

"قازاقستاننىڭ 100 جاڭا ەسىمى" جوباسى الداعى ۋاقىتتا ءوز جالعاسىن تاباتىن بولادى. جوباعا كەز كەلگەن قازاقستان ازاماتى قاتىسا الادى.«رۋحاني جاڭعىرۋ» ءار جاسقا ۇلكەن مۇمكىندىك اشىپ، ءوز قابىلەتتەرىن بارشا جۇرتقا كورسەتۋگە مۇمكىندىك اشىپ كەلەدى. سوندىقتان سىزدە كەلەر جىلى بۇل جوباعا قاتىسىپ، باق سىناپ، باپ شاپتىرا الاسىز. باستىسى ەلگە دەگەن شەكسىز سۇيىسپەنشىلىك پەن وتانعا دەگەن شەكسىز ماحابباتىڭىز بولسا بولعانى.

Abai.kz