تءۇركىمەنستاننىڭ لەباپ وبلىسىندا جەڭءىس كءۇنىنە قاراي پرەزيدەنتتىڭ اتىنان بەرىلەتىن سىيلىقتار ءۇءشىن تىلدا ەڭبەك ەتكەندەر مەن ەكىنشى دءۇنيەجءۇزىلىك سوعىس ارداگەرلەرىنەن اقشا جيناپ جاتىر.

ازاتتىقتىڭ تۇركىمەن قىزمەتىنىڭ مالىمەتىنە قاراعاندا، بيلىك جەرگىلىكتى اكىمدىككە قايرىلعان ارداگەرلەردىڭ بالالارى مەن نەمەرەلەرىنە اقشا جيناۋ بويىنشا رەسمي تۇسىندىرگەن ەمەس.

لەباپ وبلىسىنىڭ ارداگەرلەرى بىلتىر دا جەڭىستىڭ 75 جىلدىعى قارساڭىندا العان سىيلىقتارى ءۇشىن ءوز قالتاسىنان اقشا تولەگەن.

دەرەككوزدىڭ حابارلاۋىنشا، ارداگەرلەرگە بەرىلەتىن سىيلىقتار جينالعان قارجىنى اقتامايدى. ويتكەنى بيلىك جينالعان قاراجاتتىڭ ءبىر بولىگىن باسقا شىعىندار ءۇشىن دە ۇستاپ قالادى.

بيىل تۇركىمەنستاندا سوعىس ارداگەرلەرىنە بەرىلەتىن اقشا مەن سىيلىقتىڭ كولەمى اشىق ايتىلعان جوق.

2017 جىلى ازات ەۋروپا/ازاتتىق راديوسى سسسر ەلدەرىندە جەڭىس كۇنى قارساڭىندا ەكىنشى دۇنيەجۇزىلىك سوعىس ارداگەرلەرىنە قانشا اقشا بەرىلگەنىن ەسەپتەپ شىققان. وعان سايكەس ورتالىق ازيادا ءبىر جولعى تولەم كولەمى بويىنشا قازاقستان ليدەر بولىپ، ءاربىر ارداگەرگە 1570 دوللاردان تولەگەن. سوڭعى ورىندا تۇركىمەنستان، ءاربىر ارداگەرگە 26 دوللاردان بەرىلگەن.

تۇركىمەنستاندا سوعىسقا قاتىسقان قانشا ارداگەر بارى جايلى رەسمي مالىمەت جوق.

Abai.kz