اتىراۋدا وتكەن جىلى 440 ميلليون تەڭگەگە كۇردەلى جوندەۋدەن وتكەن مەكتەپتىڭ ەدەندەرىنىڭ تەسىكتەرىن مۇعالىمدەر وزدەرى جاماپ جاتىر، دەپ حابارلايدى Arasha.kz اقپارات اگەنتتىگىنە سىلتەمە جاساپ Abai.kz.

قازىنانىڭ قارجىسى يگەرىلگەن. بىتكەن جۇمىستى جاۋاپتىلار قابىلداپ العان. الايدا ءبىلىم ورداسىنىڭ ەسىك-تەرەزەسى قاڭىراپ، ەدەنى شۇرىق-تەسىك كۇيىندە قالعان. اتىراۋ قالاسىنداعى ماقاش بەكمۇحانبەتوۆ اتىنداعى مەكتەپتىڭ ماسەلەسىن قىزمەتكەرىنىڭ ءبىرى الەۋمەتتىك جەلىگە سالعان. 440 ميلليون تەڭگەگە تولىقتاي كۇردەلى جوندەۋدەن وتكەن مەكتەپتىڭ ەدەنىنىڭ تەسىكتەرىن قىزمەتكەرلەر وزدەرى جاماپ جاتىر. بۇل اقپاراتتى مەكتەپتىڭ مۇعالىمدەرىنىڭ ءبىرى راستادى. ونىڭ سوزىنشە ميلليونداپ قارجى بولىنگەنىمەن ساپاسى سىن كوتەرمەيدى.

“ەرىكسىز ءماجبۇرلى تۇردە. سىرتتاعى بىتپەي قالعان جۇمىستىڭ بارلىعىن مۇعالىمدەر جاسادى. جەر-جەردە بوقتىق قالدى.سونىڭ بارلىعىن قىزمەتكەرلەر جاسادى. جىگىتتەر جاعىن شاقىرتىپ جاساتتى”، – دەيدى م.بەكمۇحانبەتوۆ اتىنداعى ورتا مەكتەپ مۇعالىمى رايسا جۋماباەۆا.

ال مەكتەپ ديرەكتورىنىڭ سوزىنشە جوندەۋ جۇمىسىن جاساۋعا مۇعالىمنىڭ ءوزى ۇسىنىس جاساپتى.

“دەنە شىنىقتىرۋ مۇعالىمى ۇسىنىس جاسادى. ەدەن كورىكتى بولۋى ءۇشىن، ودان ءارى جاقسارتۋ ماقساتىندا ءبىر-ەكى ساڭىلاۋ بولدى سونى "اپاي بىتەپ تاستاساق قايتەدى" دەپ ءوز ەرىكتەرىمەن 2-3 جەردى بىتەدى”، – دەيدى م.بەكمۇحانبەتوۆ اتىنداعى ورتا مەكتەپ ديرەكتورى اينۇر سالىقوۆا.

اتىراۋ وبلىستىق ءبىلىم بەرۋ باسقارماسى وكىلدەرىنىڭ سوزىنشە قازىر مەكتەپ ديرەكتورىنا تارتىپتىك شارا قولدانىلعان.

Abai.kz