ءماجىلىس توراعاسى نۇرلان نىعماتۋلين بەلگيا كورولدىگىنىڭ فەدەرالدىق پارلامەنتى وكىلدەر پالاتاسىنىڭ سپيكەرى ەليان تيليومەن بەينەكونفەرەنتسيا فورماتىندا كەزدەسۋ وتكىزدى.

تاراپتار ەكى ەل اراسىنداعى ىنتىماقتاستىقتى، ونىڭ ىشىندە پارلامەنتارالىق بايلانىستى ارتتىرۋ جايىندا پىكىر الماستى.

نۇرلان نىعماتۋلين بەلگيا قازاقستاننىڭ ەۋروپاداعى ماڭىزدى ساياسي جانە ەكونوميكالىق ارىپتەسى ەكەنىنە نازار اۋدارا وتىرىپ، ەكى ەل اراسىنداعى ستراتەگيالىق سەرىكتەستىك دەڭگەيىنە جەتۋدەگى تۇڭعىش پرەزيدەنت – ەلباسى نۇرسۇلتان ءابىشۇلى نازارباەۆتىڭ ءرولىن اتاپ ءوتتى.

سونىمەن قاتار، كەزدەسۋدەگى نەگىزگى تاقىرىپتاردىڭ ءبىرى – مەملەكەت باسشىسى قاسىم-جومارت توقاەۆ باستاماشى بولعان ەلدىڭ ساياسي جۇيەسىن جاڭعىرتۋ ماسەلەلەرى تۋرالى بولدى.

نۇرلان نىعماتۋلين مەملەكەت پەن قوعام اراسىنداعى ديالوگتى كەڭەيتۋ، سونداي-اق وسى باعىتتاعى قازاقستاندىق زاڭنامانى جەتىلدىرۋ تۋرالى ايتتى.

تاراپتار قازاقستان-بەلگيا قارىم-قاتىناستارىنىڭ ماڭىزدى قۇرامداس بولىگى رەتىندە پارلامەنتارالىق بايلانىستى جانداندىرۋدى قولدادى.

ءوز كەزەگىندە ەليان تيليو قازاقستاندى ءوزىنىڭ دامۋ جولىن ۇسىنعان مەملەكەت ەكەنىن، بۇگىنگى تاڭدا قارقىندى تۇردە دامىپ كەلە جاتقانىن العا تارتتى. سونىمەن قاتار، قوس مەملەكەت اراسىنداعى ديپلوماتيالىق قاتىناستىڭ ورناعانىنا 30 جىل تولاتىنىن اتاپ ءوتىپ، قالىپتاسقان ساياسي-ەكونوميكالىق بايلانىستى ودان ءارى نىعايتۋعا نيەتتى ەكەنىن جەتكىزدى.

وتىرىس بارىسىندا نۇرلان نىعماتۋلين مەن ەليان تيليو زاڭنامالىق تاجىريبە الماسۋ، ىنتىماقتاستىق جونىندەگى پارلامەنتتىك توپتار مەن كوميتەتتەردىڭ ءوزارا ءىس-قيمىلى ەكى ەلدىڭ جان-جاقتى ارىپتەستىگىن ىلگەرىلەتۋگە ىقپال ەتەتىنىنە سەنىم ءبىلدىردى.

Abai.kz