14-ماۋسىم كۇنى بريۋسسەلدە ناتو وداقتاستارى باسشىلارىنىڭ 31-ءشى ءسامميتى اشىلدى. ءداستۇر بويىنشا، سامميت اراقاشىقتىق ساقتاۋ ارقىلى «وتباسىلىق» سۋرەتكە تۇسۋدەن باستالدى.

ال، سامميتتىڭ كۇن ءتارتىبى بويىنشا:

- اليانستى نىعايتۋ بويىنشا ناتو-نىڭ 2030 ستراتەگيالىق جوسپارىن بەكىتۋ;

- وداق رەسەيدىڭ اگرەسسيۆتى مىنەز-قۇلقىن، تەرروريزمىن، كيبەرقاۋىپتەرىن، قاۋىپتى تەحنولوگيالارىن، قىتايدىڭ كۇشەيىپ كەلە جاتقان ىقپالى مەن كليماتتىڭ وزگەرۋ سالدارىن قوسا العاندا، سىن-قاتەرلەرگە جاۋاپ بەرۋگە دايىندىعىن قامتاماسىز ەتۋ;

- ناتو اسكەري كونتينگەنتى شىققاننان كەيىن اۋعانستانعا ساياسي قولداۋ كورسەتۋدى جالعاستىرۋ سىندى ماسەلەلەر قارالدى.

سونىمەن قاتار، سولتۇستىك اتلانتيكالىق كەلىسىم ۇيىمىنىڭ باسشىلارى، ونىڭ ىشىندە اقش پرەزيدەنتى دجو بايدەن بريۋسسەلدەگى ءسامميتتى رەسەي مەن قىتايعا باعىتتالعان قاتاڭ مالىمدەمەلەرمەن قورىتىندىلادى. ناتو سامميتىندە رەسەي تۋرالى 63 رەت ايتىلعان. ال، اليانس مۇشەلەرى «رەسەيدىڭ اگرەسسيۆتى ارەكەتتەرىن» ءبىرىنشى قاتەر رەتىندە قاراستىرادى. قورىتىندىعا ساي، قىتاي مەن رەسەي «ەرەجەلەرگە نەگىزدەلگەن حالىقارالىق تارتىپكە قاتەر ءتوندىرۋشى ەل» دەپ اتالدى.

Abai.kz