استانا. 14 مامىر. قازاقپارات - «كورەرمەننىڭ العاشقى ءۇش كۇنىندە-اق 1 ملن. اقش دوللارىنا جۋىق قارجى جيناعان وتاندىق «جاۋجۇرەك مىڭ بالا» ءفيلمى رەكورد ورناتتى.

الايدا، ءفيلمنىڭ مەملەكەتتىك تىلدەگى نۇسقاسىنا سۇرانىستىڭ كوپتىگىنە قاراماستان، كورەرمەنگە قولايلى ۋاقىتقا ۇنەمى ورىسشا نۇسقاسى قويىلىپ ءجۇر. كينوتەاترلارداعى وسى كەلەڭسىزدىككە «قازاقفيلم» نەگە شارا قولدانبايدى؟». «جاس قازاق» گازەتى (باسىلىمنىڭ 11 مامىر كۇنى شىققان سانىندا جازىلدى) ش.ايمانوۆ اتىنداعى «قازاقفيلم» كينوستۋدياسىنىڭ باس رەداكتورى ديدار امانتايعا وسىنداي سۇراق جولدادى.

وعان كينوستۋديانىڭ باس رەجيسسەرى بىلاي دەپ جاۋاپ قايىرعان: «بىرىنشىدەن، «قازاقفيلمنىڭ» جەكەمەنشىك كينوتەاترى جوق. ەكىنشىدەن، مەملەكەتتىك كينوتەاتر تاعى جوق. جەكەمەنشىك كينوتەاترلار فيلمدەردىڭ كورسەتىلۋ ۋاقىتىن وزدەرى بەلگىلەيدى. ولاردىڭ كوپشىلىگى «قازاق تىلىندەگى فيلمدەرگە كورەرمەن كەلمەيدى، اۋديتوريانى جوعالتامىز»،-دەپ قورقادى. پرايم-تايمعا كوبىنەسە امەريكاندىق بلوگباستەرلەردىڭ قويىلۋى سوندىقتان. ءبىز قازىر كينوتەاترلارعا حابارلاسىپ، ءفيلمنىڭ قازاقشا نۇسقاسىن كوبەيتىپ، كورەرمەنگە ىڭعايلى ۋاقىتتا قويىلۋىن تالاپ ەتىپ جاتىرمىز».

استانا. 14 مامىر. قازاقپارات - «كورەرمەننىڭ العاشقى ءۇش كۇنىندە-اق 1 ملن. اقش دوللارىنا جۋىق قارجى جيناعان وتاندىق «جاۋجۇرەك مىڭ بالا» ءفيلمى رەكورد ورناتتى.

الايدا، ءفيلمنىڭ مەملەكەتتىك تىلدەگى نۇسقاسىنا سۇرانىستىڭ كوپتىگىنە قاراماستان، كورەرمەنگە قولايلى ۋاقىتقا ۇنەمى ورىسشا نۇسقاسى قويىلىپ ءجۇر. كينوتەاترلارداعى وسى كەلەڭسىزدىككە «قازاقفيلم» نەگە شارا قولدانبايدى؟». «جاس قازاق» گازەتى (باسىلىمنىڭ 11 مامىر كۇنى شىققان سانىندا جازىلدى) ش.ايمانوۆ اتىنداعى «قازاقفيلم» كينوستۋدياسىنىڭ باس رەداكتورى ديدار امانتايعا وسىنداي سۇراق جولدادى.

وعان كينوستۋديانىڭ باس رەجيسسەرى بىلاي دەپ جاۋاپ قايىرعان: «بىرىنشىدەن، «قازاقفيلمنىڭ» جەكەمەنشىك كينوتەاترى جوق. ەكىنشىدەن، مەملەكەتتىك كينوتەاتر تاعى جوق. جەكەمەنشىك كينوتەاترلار فيلمدەردىڭ كورسەتىلۋ ۋاقىتىن وزدەرى بەلگىلەيدى. ولاردىڭ كوپشىلىگى «قازاق تىلىندەگى فيلمدەرگە كورەرمەن كەلمەيدى، اۋديتوريانى جوعالتامىز»،-دەپ قورقادى. پرايم-تايمعا كوبىنەسە امەريكاندىق بلوگباستەرلەردىڭ قويىلۋى سوندىقتان. ءبىز قازىر كينوتەاترلارعا حابارلاسىپ، ءفيلمنىڭ قازاقشا نۇسقاسىن كوبەيتىپ، كورەرمەنگە ىڭعايلى ۋاقىتتا قويىلۋىن تالاپ ەتىپ جاتىرمىز».

ال «قازاق ادەبيەتى» گازەتىنە (11 مامىرداعى سانى) «جاۋجۇرەك مىڭ بالا» ءفيلمىنىڭ رەجيسسەرى، بۇعان دەيىن «رەكەتير»، «اداسقاندار»، «اعايىندى»، «ليكۆيداتور» فيلمدەرىن تۇسىرگەن اقان ساتاەۆ، اتالمىش كارتينا جانە ءوزىنىڭ وزگە دە تۋىندىلارى، سونداي-اق الداعى جوسپارلارى تۋرالى ەگجەيلى-تەگجەيلى بايانداپ بەرگەن.

ونىڭ ايتۋىنشا، «جاۋجۇرەك مىڭ بالانىڭ» ستسەناريىنىڭ ون ەكى نۇسقاسى بولعان. ءتۇسىرۋ توبىنان بولەك، تاريح جونىندە، ءتىل جونىندە كەڭەسشىلەر جۇمىس ىستەگەن.

«جەتىسىنە ءبىر رەت جينالىس جاساپ، تالقىلاپ تۇردىق. ودان تەحنيكالىق جۇمىستارعا شەتەلدىك مىقتى-مىقتى دەگەن ماماندار ارالاستى. بريتاندىق سكريپت دوكتور كلەر داۋنس دەگەن كىسى ستسەناريدى قالىپقا كەلتىردى. بۇل كىسى اتاقتى «ءبىرجولى امەريكادا...» (Once upone a time in اmerica») فيلمىندە جۇمىس ىستەگەن. تاجىريبەسى مول مامان. ءبىز ءۇشىن ۇلكەن مەكتەپ بولدى. كوپ نارسە ۇيرەندىك دەپ ويلايمىن. مونتاجىن نيكولاس ترامباسەۆيچ پەن كريستوفەر بەلل جاسادى.  نيكولاس «تاكسي» («The taxi») ءفيلمىنىڭ، كريستوفەر «بورننىڭ شارتى» («The Bourne Ultimatum») ءفيلمىنىڭ مونتاجىن جاساعان ادامدار. بۇل جىگىتتەر دە وزدەرىنىڭ شەبەرلىكتەرىن كورسەتە الدى. ەندى وسىنشاما ەڭبەكپەن جاسالعان  كينونى حالىق جاقسى قابىلداۋى ءتيىس دەپ ويلايمىن. جاقسى قابىلداپ جاتقان سەكىلدى. اللاعا شۇكىر! ءتىپتى ينتەرنەت سايتتارىنىڭ بىرىندە ءبىر ورىستىڭ قىزى: «مەن قازاق بولماسام دا، قازاقستاندىق بولعانىمدى ماقتان ەتەمىن» دەپ پىكىر قالدىرىپتى. بۇل ءبىز ءۇشىن قۋانىش. ەندى ءدال وسىلاي شەتەل دە قابىلداپ جاتسا، نۇر ۇستىنە نۇر بولار ەدى»، - دەيدى ول.

رەجيسسەردىڭ ايتۋىنشا، قازىر كارتينا كانن فەستيۆالىنە قاتىسۋ ءۇشىن دايىندالۋدا.