جىل باسىنان باستاپ 50 پەدوفيل بوستاندىققا شىعارىلعان. 2021 جىلى جاس وسپىرىمدەرگە جاسالعان قىلمىستار سانى ءۇش ەسەگە ارتقان. 

دەپۋتات باقىتبەك سماعۇل باق-قا سىلتەمە جاساپ وسى جىلدىڭ اياعىنا دەيىن 32 پەدوفيل بوساتىلاتىنىن ايتتى. الايدا رەسمي مالىمەت بويىنشا جىل باسىنان باستاپ بالالارعا جىنىستىق قىلمىس جاساعان 50 ادام بوساتىلعان. اد قازىرگى تاڭدا ەلىمىزدىڭ كولونيالارىندا 1861 پەدوفيل جازاسىن وتەپ جاتىر. بوستاندىققا شىعارىلعان 50 پەدوفيلدىڭ قانشاسىنا حيميالىق كاستراتسيا جاسالعانى بەلگىسىز.

سوڭعى بەس جىل ىشىندە 3893 بالالارعا قاتىستى جىنىستىق نەگىزدەگى قىلمىس جاسالعان. 2016-2020 جىلدار ارالىعىندا بالالارعا جاسالعان زورلىق سانى 45,8%-عا ارتقان. ماماندار قازاقستان اتالمىش قىلمىس تۇرىمەن كۇرەستى ەسكى ءادىس بويىنشا جۇرگىزىپ جاتقانىن ايتۋدا.

Abai.kz