ءماجىلىس دەپۋتاتتارى "قازاقستان رەسپۋبليكاسىنىڭ ۇكىمەتى مەن اقش ۇكىمەتى اراسىنداعى اۋە قاتىناسى بويىنشا كەلىسىمدى راتيفيكاتسيالاۋ تۋرالى" زاڭدى قاراستىرۋدى باستادى. اتالمىش كەلىسىم بويىنشا قازاقستان مەن اقش اراسىندا شەكتەۋسىز ۇشۋعا رۇقسات ەتىلمەك. 

كەلىسىمدە "اشىق اسپان" ءپرينتسيپى بار. وعان سايكەس تاراپتار ءبىر-بىرىنە شەكسىز نەگىزدە  جۇك تاسىمالداۋعا مۇمكىندىك الادى. بۇل كەلىسىم ەلدەر اراسىنداعى بايلانىس قارقىنىن ارتتىرماق. ءماجىلىس دەپۋتاتى البەرت راۋ اتالمىش قۇجاتتى دايىنداپ، ەنگىزۋ بويىنشا جۇمىستار جاساپ جاتقانىن جەتكىزدى.

قازىرگى ۋاقىتتا قازاقستان مەن اقش اراسىنداعى اۋە بايلانىسى جوعارى دەڭگەيدە ەمەس. ال تاۋار قاتىناسى ءتىپتى تومەن كولەمدە.

Abai.kz