بۇگىن الماتىنىڭ باس سانيتار دارىگەرى جانداربەك بەكشين ءباسپاسوز ءماسليحاتىن وتكىزىپ، الماتىدان ۆيرۋستىڭ «ءۇندى شتامىنىڭ» انىقتالعانىن رەسمي مالىمدەدى.

«وتكەن اپتادان باستاپ رەاكتيۆتەر الىنعالى بەرى ناقتى زەرتتەۋلەر جاسالىپ جاتىر. 63 پتسر ساراپتاماسىن جاسادىق. ونىڭ 83 پايىزىنىڭ «بريتان شاتامى» ەكەنى، تاعى 2 ساراپتامادان «وڭتۇستىك افريكالىق شتام» ەكەنى انىقتالدى. جانە بىرەۋى «نيۋ-يورك شتامى». 

كەشە كەشكىسىن تاعى ءبىر ساراپتامانىڭ قورىتىندىسىن الدىق. ول «دەلتا»، ياعني «ءۇندى شتامى» بولۋى مۇمكىن بولعاندىقتان، بۇگىن تاڭەرتەڭگىسىن تاعى ءبىر مارتە، قورىتىندى ساراپتاما جاسالدى. اقىرىندا بۇل سىناماداعى مۋتاتسيالانعان شتام (ياعني «ءۇندى شتامى») ەكەنى راستالدى»، - دەپتى بەكشين.

جانداربەك بەكشين مىرزا الماتىعا بۇل شتامدى 1984 جىلعى ازاماتشا شەتەلدەن جۇقتىرىپ كەلگەنىن ايتىپتى.

«ونىڭ اينالاسىنداعى 7 ادامعا زەرتتەۋ جاسالدى. ولار قازىر تولىقتاي وقشاۋلاندى. وتباسىندا ءۇش ادام بار ەكەن، بىرەۋى بالا - 7 جاستا. وعان كەشە زەرتتەۋ جاسادىق، ناتيجەسى تەرىس بولىپ شىقتى. ازاماتشا جۇقپالى اۋرۋلار ستانتسيونارىندا وقشاۋلاۋدا، ەم الىپ جاتىر. 7 جاستاعى قىزى دا وقشاۋلاندى. جاقىن قارىم-قاتىناستا بولعان 5 ادام. وتاعاسى ءىسساپاردا، ول اقپاندا كوروناۆيرۋسپەن اۋىرىپ شىققان، سوندىقتان وعان جۇعۋ قاۋپى مينيمالدى. سوندا دا ءبىز ونىڭ جۇمىس ورنىنا بۇل حاباردى جەتكىزدىك، ول دا باقىلاۋعا الىندى»، - دەيدى بەكشين.

ءۇندى شتامىنىڭ بەلگىلەرى قانداي؟

«شوتلانديالىق ارىپتەستەردىڭ دەرەگى بويىنشا، بۇل وتە جۇقپالى ۆيرۋس. ونىڭ قاۋىپتىلىگى «بريتان شتامىنان» ەكى ەسە اسىپ تۇسەدى. اۋرۋحاناعا ءتۇسۋ، قايتىس بولۋ ىقتيمالدىعى جوعارى. ەرەكشەلىگى - ءىش بۋىندارىنىڭ قاتتى اۋىرۋى، سونداي-اق ەستۋ قابىلەتىن جوعالتۋ بايقالادى. نەگىزگى بەلگىلەر تۇماۋعا ۇقسايدى. باس، تاماق اۋرۋى، مۇرىننان سۋ اعۋى جانە دەنە قىزۋىنىڭ كوتەرىلۋى، بىراق ءيىس جوعالمايدى. كوپ جاعدايدا جوتەل بولمايدى»، - دەدى بەكشين.

الماتىدا كارانتين كۇشەيتىلە مە؟

«قازىرگى ۋاقىتتا بۇكىل جەرگە ەنگىزىلەدى. ءبىز قر باس مەملەكەتتىك سانيتار دارىگەرىنىڭ قاۋلىسىن كۇتىپ وتىرمىز. سوعان ساي شارا قابىلدانادى.

22 ماۋسىمدا ۆەدومستۆوارالىق كوميسسيا باس سانيتار دارىگەرگە ازاماتتارعا قىزمەت كورسەتەتىن تۇلعالاردى مىندەتتى ۆاكتسيناتسيالاۋ تۋرالى تاپسىرما بەرگەن بولاتىن»، - دەيدى بەكشين.

كوروناۆيرۋستىڭ «ءۇندى شتامىنىڭ» انىقتالعانى جايلى اقپارات 21 ماۋسىمدا جاريا بولعان. ەپيدەميولوگتاردىڭ ايتۋىنشا، «دالتا شتامى» جوعارى كونتاگيوزدى جانە وزگە انىقتالعان شتامدارعا قاراعاندا ونىڭ جۇعۋ قاۋىپتىلىگى 60 پايىزعا جوعارى ەكەنىن ايتادى.  ال دۇنيەجۇزىلىك دەنساۋلاق ساقتاۋ ۇيىمىنىڭ دەرەگىنشە، اتالعان «ءۇندى شتامى» قازىرگى ۋاقتا الەمنىڭ 74 مەملەكەتىنە تاراعان.

Abai.kz