شىعىس قازاقستان وبلىسىنىڭ ءاكىمى دانيال احمەتوۆ ءوءزى تۋرالى "تەرىس اقپارات تاراتقانى ءۇءشىن" جۋرناليستەردى سوتقا بەرەمىن دەپ قورقىتىپ جاتىر. بۇل تۋرالى "ءاءدىل سءوز" باسپاسءوز قورعاۋ قورىنىڭ 24 ماۋسىم كءۇنگى حابارلاماسىندا ايتىلعان.

قوردىڭ مالىمەتىنشە، شىعىس قازاقستان وبلىسى اكىمى اپپاراتىنىڭ مۇددەسىن قورعايتىن "ار-بەدەل" قوعامدىق قورى Exclusive.kz سايتىنان 21 ماۋسىمدا جاريالانعان "ناتسيونالنايا بۋرجۋازيا وبياۆيلا ۆوينۋ "اگاشكام"? ماقالاسىن جانە  "پوچەمۋ ەلباسى نە ستال سسوريتسيا س اباەم" اتتى ۆيدەونى ءوشىرۋدى جانە تەرىستەۋدى تالاپ ەتكەن.

بۇل ماتەريالداردا شىعىس قازاقستان وبلىسىنداعى ءىرى مادەني-سپورت كەشەنى "اباي ارەناسى" تۋرالى جۋرناليستىك زەرتتەۋدىڭ قورىتىندىسى باياندالعان.

شاعىم بەرۋشىنىڭ پىكىرىنشە، اتالعان ماتەريالداردا شىعىس قازاقستان وبلىسى اكىمى مەن اكىمدىگىنىڭ "بەدەلىنە نۇقسان كەلتىرەتىن، شىندىققا جاناسپايتىن تەرىس اقپارات بار".

"ار-بەدەل" قورىنىڭ Exclusive.kz سايتىنا جولداعان شاعىمىندا "اقپاراتتى تەرىستەۋى ءتيىس" قۇجاتتاردىڭ ءتىزىمى كورسەتىلگەن. "ار-بەدەل" ايعاق رەتىندە قۇجاتتاردىڭ ءتىزىمىن كەلتىرگەن، بىراق قۇجاتتاردىڭ وزدەرىن كورسەتپەگەن" دەپ جازدى ء"ادىل ءسوز".

قور وكىلى البينا باقتيارقىزىنىڭ ايتۋىنشا، "تىزىمدە كورسەتىلگەن قۇجاتتاردىڭ بارلىعى بار". "ولاردى جۋرناليستەرمەن بولىسۋگە رۇقسات بەرسە، كورسەتەمىز" دەدى ول 24 ماۋسىمدا ازاتتىق تىلشىسىنە.

قور وكىلدەرى تالاپتارى ورىندالماعان جاعدايدا "قۇقىق قورعاۋ ورگاندارىنا جۇگىنەتىندىگىن" دە ەسكەرتكەن.

Exclusive.kz سايتىنىڭ رەداكتورى قارلىعاش ەجەنوۆا "قۇجاتتاردى كورگەننەن كەيىن شەشىم قابىلداناتىنىن" ايتتى.

– بىرىنشىدەن، ەسكەرتۋ حاتىنىڭ ءمانى تۇسىنىكسىز. سەبەبى، ول جەردە 54 قۇجات كورسەتىلگەن. بىراق وندا نە بارى بەلگىسىز. قۇجاتتاردىڭ مازمۇنىن بىلمەيمىز. ەكىنشىدەن، قازىر سول قۇجاتتاردى كورسەتۋدى تالاپ ەتىپ، حات ازىرلەپ جاتىرمىز. تەك سودان كەيىن عانا شەشىم قابىلدايمىز. ەسكەرتۋ حاتتا ولاردىڭ ناقتى قاي تۇسى "شىندىققا سايكەس كەلمەيتىنى دە" ايتىلماعان. ادەتتە مۇنداي كەزدە قۇجاتتار بىردەن كورسەتىلەتىن، – دەدى ول.

ء"ادىل ءسوز" قورى وقيعانى ءسوز بوستاندىعىنىڭ بۇزىلۋ فاكتىسى رەتىندە تىركەپ، پورتالعا زاڭگەرلىك كومەك كورسەتىنىن ايتىپ وتىر.

قازاقستاندا شەنەۋنىكتەر "ار-نامىس پەن ىسكەرلىك بەدەلگە نۇقسان كەلتىردى" دەپ اقپارات قۇرالدارى مەن بەلسەندىلەر ۇستىنەن ءجيى شاعىم تۇسىرەدى. جاقىندا ساياسي بەلسەندى جانبولات ماماي مەن "نۇر وتان" پارتياسى توراعاسىنىڭ ءبىرىنشى ورىنباسارى باۋىرجان بايبەك اراسىنداعى داۋ بويىنشا سوت شەشىمى شىققان.

الماتى سوتى "ار-نامىس پەن ىسكەرلىك بەدەلگە نۇقسان كەلتىردى" دەپ سوتقا شاعىم تۇسىرگەن باۋىرجان بايبەكتىڭ ءوتىنىشىن تولىق قاناعاتتاندىرىپ، بەلسەندى جانبولات مامايدى شەنەۋنىك تۋرالى ۆيدەونى وشىرۋگە مىندەتتەگەن.

Abai.kz