سەنات دەپۋتاتى تالعات مۇساباەۆ قىزعا شابۋىل جاسادى دەپ ايىپتالدى. نۇر-سۇلتان قالالىق پوليتسيا دەپارتامەنتىنىڭ مالىمەتى بويىنشا، وقيعا 24 ماۋسىمدا بولعان. مۇساباەۆ پەن ەلوردا تۇرعىنى الينا نۇرتاس اراسىنداعى جانجال ساياباقتا بولعان. قىز ءيتىن سەرۋەندەتىپ جۇرگەنىن ايتادى.

"ساياباق. يتپەن جۇرگەنمىن، ول قىسقا قارعىباۋعا بايلانعان، تۇمىلدىرىعى وزىممەن بىرگە (زاڭ بويىنشا، ول حۋسكي تۇقىمدى يتتەردە بولماۋى كەرەك). سەرۋەندەپ جۇرگەنمىن. ءبىر ۋاقىتتا بىرەۋدىڭ ايعايلاعانىن ەستىدىم. ءمان بەرمەي جۇرە بەردىم. جاقىنداپ كەلىپ، تاعى ايعايلادى. مۇرنىمنىڭ استىنان دورەكى ادامعا بالاعات ءسوز ايتتىم دا، ودان ءارى جۇرە بەردىم. (الينا ۇندەمە! ءوزىڭ كىنالىسىڭ! جوق، كىنالى ەمەسپىن. بۇل مەنىڭ نەگىزسىز ايعايعا رەاكتسيام). ءارى قاراي جۇرە بەردىم. ەر ادام بۇرىلىپ، سەرپىلدى دە، يىعىمنان جۇدىرىعىمەن ءبىر ۇردى. قولىم جانسىزدانىپ قالدى", - دەپ كەلتىرەدى قىزدىڭ ءسوزىن Liter.kz باسىلىمى.

بولعان وقيعادان كەيىن وقيعا ورنىنا قىز پوليتسيا قىزمەتكەرلەرىن شاقىرعان. پوليتسيا اتالمىش وقيعاعا تالعات مۇساباەۆتىڭ قاتىسى بارىن جوققا شىعارمادى.

"بيىل 24 ماۋسىمىندا ساعات 17: 22-دە "102" ارناسىنا مومىشۇلى كوشەسىندەگى ترياتلون ساياباعىندا ەر ادام قىزدى ۇرىپ، ونىمەن دورەكى سويلەسكەنى تۋرالى قوڭىراۋ ءتۇستى. وقيعا ورنىنا اۆتوپاترۋل جىبەرىلدى. ەر ادام مەن يت يەسى اراسىنداعى جانجال ءۇي جانۋارىن تۇمىلدىرىقسىز سەرۋەندەتۋگە بايلانىستى شىققانى انىقتالدى. دەرەك بويىنشا تەكسەرۋ جۇرگىزىلىپ جاتىر", -دەدى قالالىق پوليتسيا دەپارتامەنتىنىڭ ءباسپاسوز قىزمەتى وكىلى.

ال تالعات مۇساباەۆتىڭ ءوزى بولسا وقيعا تۋرالى بىلاي دەيدى: "24.06.2021 ج. كەشكى ۋاقىتتا ترياتلون ساياباعىندا بولعان وقيعاعا بايلانىستى بىلاي دەگىم كەلەدى. سەرىگىممەن كەشەگى سەرۋەن كەزىندە يت جەتەكتەگەن قىز بىزگە قارسى جۇگىرەتىن جولاقپەن كەلە جاتتى. وعان ءيتىنىڭ تۇمىلدىرىقسىز ەكەنىن ايتىپ، ەسكەرتۋ جاسادىم، سەبەبى مۇنى باسقا ادامدارعا قاۋىپتى دەپ سانادىم. بىراق بىزگە جاعىمسىز ءارى دورەكى جاۋاپ ايتىلدى، الەۋمەتتىك جەلىدەگى پاراقشاسىندا ول ءوزى دە جازدى. پوليتسيا - ءىىم-ءنىڭ ەكى قىزمەتكەرى كەلگەن سوڭ تۇسىنىك بەرىلدى، ارىزدانۋشى دا تۇسىنىك بەردى. مەنىڭ تاراپىمنان ەشقانداي دا زاڭعا قايشى ارەكەت، دەنە جاراقاتىن سالۋ ارەكەتى بولعان جوق. ونىڭ ۇستىنە، قىز بىزگە قول سوزىپ، كەشىرىم سۇرادى. "ۇرىپ-سوعۋ" تۋرالى ايىپتاۋ نەگىزسىز دەپ ەسەپتەيمىن", - دەدى ول.

Abai.kz