28 جاستاعى قازاق بوكسشىسى جانىبەك ءالىمحانۇلى بۇرىنعى الەم چەمپيونى، 30 جاستاعى امەريكالىق روب برانتتى جەڭدى.

جەكپە-جەك لاس-ۆەگاستا وتكەن. 72,6 كەلىگە دەيىنگى سالماق دارەجەسىندەگى باسەكە 10 راۋندقا جوسپارلانعان. الايدا جانىبەك ءالىمحانۇلى قارسىلاسىن التىنشى راۋندتا نوكداۋنعا ءتۇسىردى. ال سەگىزىنشى راۋندتان كەيىن روب برانتتىڭ بۇرىشى جەكپە-جەكتى جالعاستىرۋدان باس تارتقان.

بۇل جانىبەك ءالىمحانۇلىنىڭ ون جەكپە-جەكتەگى ونىنشى جانە مەرزىمىنەن بۇرىنعى التىنشى جەڭىسى. ايتا كەتەيىك، ءالىمحانۇلى ونەر كورسەتەتىن ورتا سالماقتا IBF جانە IBO نۇسقاسى بويىنشا الەم چەمپيونى - قازاقستاندىق گەننادي گولوۆكين.

بۇگىن UFC ۇيىمىندا ونەر كورسەتەتىن تاعى ءبىر قازاق سپورتشىسى شاۆكات راحمانوۆ (13-0) «UFC Vegas 30» تۋرنيرىندە ونەر كورسەتىپ، برازيليالىق ميشەل پرازەرەستى (26-3) جەڭدى.

بۇل شايقاس تا لاس-ۆەگاس قالاسىندا وتكەن. شاۆكات راحمانوۆ ءبىرىنشى راۋندتا قارسىلاسىن باقىلاپ، ءبىر تەيكداۋن جاساپ، راۋندتى ءوز پايداسىنا اياقتاعان.

ال ەكىنشى راۋندتا شاۆكات وتە بەلسەندى باستاپ، قارسىلاسىن قىلعىندىرۋ ادىسىمەن جەڭگەن.  وسىلايشا ول UFC ۇيىمىنداعى ەكىنشى كەزدەسۋىندە جەڭىسكە جەتتى.

Abai.kz