بۇل شارانىڭ باستالۋىنا ەل پرەزيدەنتى رەجەپ تايىپ ەردوعاننىڭ ءوزى قاتىسقانىن "انادولۋ" اگەنتتىگى حابارلادى.

"ستامبۇل" دەگەن ات بەرىلگەن بوسفور بۇعازىن قايتالايتىن جاڭا كانال قۇرىلىسى 2028 جىلعا قاراي اياقتالادى دەپ جوسپارلانىپ وتىر. قۇرىلىس جوباسىنىڭ قۇنى الدىن الا جوسپارلاۋ بويىنشا 15 ملرد دوللار بولادى دەپ جاريالانعان.

پرەزيدەنت ەردوعان ەكى تەڭىزدى بىرىكتىرەتىن كانال سالۋ ماسەلەسىن كوپتەن بەرى كوتەرىپ كەلەدى. ونىڭ ايتۋىنشا، بۇل ستامبۇل تۇرعىندارىنا كوپ جەڭىلدىك اكەلەدى. بىراق قۇرىلىس قالا ەكولوگياسىنا زيان اكەلەدى دەپ قارسىلىق ءبىلدىرىپ جاتقان تۇرعىندار دا كوپ.

جاڭا كانالدىڭ ۇزىندىعى 45 شاقىرىم، ەڭ قىسقا جەرى 240 مەتردى قۇرايدى.

بىراق بۇل كانال قۇرىلىسى حالىقارالىق پروبلەما تۋعىزۋى مۇمكىن. سەبەبى زاڭگەرلەر بوسفور بۇعازىنان كەمەلەردىڭ ءوتۋىن رەتتەيتىن حالىقارالىق مونتريو كونۆەنتسياسىنىڭ وعان قاتىسى جوق ەكەنىن ايتادى.

باسقا مەملەكەتتەر مۇنى تۇرىك بيلىگىن تەڭىز سۋلارىنا يەلىك ەتۋ ارەكەتى دەپ سىناپ جاتىر.

Abai.kz