قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ قازاقستاننىڭ بارلىق مەكتەپتەرى بەينەباقىلاۋ جۇيەسىمەن قامتاماسىز ەتىلگەنىن، بىراق تەك 55% -ى ستاندارتتارعا سايكەس كەلەتىندىگىن مالىمدەدى. ول سونىمەن قاتار مەكتەپ قاۋىپسىزدىگىن كۇشەيتپەي وتىرعان وبلىس اكىمدىكتەرىنە شارا قولدانۋىن سۇرادى.

"1,4 ميلليارد تەڭگە بەينەباقىلاۋ جۇيەلەرىن ستاندارتتارعا سايكەستەندىرۋگە باعىتتالىپ وتىر. قارجى تۇركىستان، اتىراۋ جانە جامبىل وبلىستارىنىڭ اكىمدىكتەرىنەن بولىنبەگەنىن ايتۋ كەرەكپىز. سوندىقتان شارا قولدانۋىڭىزدى سۇرايمىن", - دەدى اسحات ايماعامبەتوۆ ۇكىمەت وتىرىسىندا.

سونىمەن قاتار مينيستر "دابىل باتىرمالارىنىڭ" سانى از ەكەنىن دە اتاپ ءوتتى.

"بۇگىنگى كۇنى "دابىل باتىرمالارىنىڭ" سانى - 648. تەك نۇر-سۇلتان مەن الماتى قالالارىندا بۇل ماسەلەلەر شەشىلگەن. بۇل ماسەلەنى شەشۋ ءۇشىن جەرگىلىكتى بيۋدجەتتەردەن 980 ملن.تەڭگە كولەمىندە قاراجات قاراستىرىلدى. تۇركىستان، پاۆلودار، باتىس قازاقستان وبلىستارىندا قاراجات بولىنگەن جوق", - دەدى ءبىلىم جانە عىلىم مينيسترلىگىنىڭ باسشىسى.

ەلىمىزدە وقۋشىلارعا قاتىستى جاسالاتىن قىلمىس سانى ارتقاندىقتان، قاۋىپسىزدىك شارالارىن كۇشەيتۋ جۇمىستارى جۇرگىزىلۋدە. اتاپ ايتقاندا "دابىل باتىرمالارىن" ورناتۋ، كۇزەيت قويۋ جانە بەينەباقىلاۋمەن مەكتەپتەردى قامتاماسىز ەتۋ شارالارى قاراستىرىلۋدا.

Abai.kz