ءۇندىستاندا دارىگەرلەر 40 مىڭنان استام "قارا زەڭ" اۋرۋىن جۇقتىرعانداردى انىقتادى.

"ساڭىراۋقۇلاق ينفەكتسيالارىنان بولاتىن ءولىم-ءجىتىم 3129 جاعدايدى قۇراعان. ال بارلىعى  40845 ناۋقاس انىقتالعان. ونىڭ ىشىندە 31344 ادامدا مۇرىن قۋىسى، پارانازالدى سينۋس جانە ميدىڭ بولىكتەرى زارداپ شەككەن", دەپ ءۇندىستاننىڭ دەنساۋلىق ساقتاۋ ءمينيسترى حارش ۆاردحان مالىمدەدى.

ىندەتتى جۇقتىرۋشىلاردىڭ 32% -ى 18-45 جاس ارالىعىنداعى توپتارعا، 42% -ى 45-60 جاس ارالىعىنداعى توپقا جانە 24% -ى 60+ ساناتىنا جاتادى. پاتسيەنتتەردىڭ 64% -ى قانت ديابەتىمەن اۋىرعان، 53%-نان ستەرويدتەر قابىلداعان.

اۋرۋلاردىڭ كوپشىلىگى ماحاراشترا، كەرالا، تاميلناد، باتىس بەنگاليا جانە وديشا شتاتتارىندا  تىركەلگەن.

Abai.kz