قازىرگى كۇنگە دەيىن 59 دينامولىق سپورتشى لوندوندا وتەتىن وليمپيادا ويىندارىنا جولدامانى جەڭىپ الدى. الداعى ۋاقىتتا ولاردىڭ سانى ءالى دە ۇلعاياتىنى ءسوزسىز. ويتكەنى، كوپ ۇزاماي وندا باراتىن جەڭىل اتلەتتەرىمىزدىڭ دە ەسىمدەرى بەلگىلى بولماق.

«دينامو» دەنە شىنىقتىرۋ سپورت قوعامىنىڭ سپورت باسقارماسىنىڭ باسشىسى نيكولاي كنيازەۆتىڭ ايتۋىنشا، بيىلعى جارىستا «دينامولىقتاردىڭ»  التىن القانى ۇتىپ الۋ الەۋەتى جوعارى.

- «دينامولىقتار» العا قويعان ماقساتقا جەتىپ، جوسپاردى ورىندادى دەۋگە بولادى. ويتكەنى قازىرگى ۋاقىتقا دەيىن 59 سپورتشىمىزدا ەكى ايدان كەيىن كۇللى الەم حالقى نازارىن سالاتىن وليمپيادا ويىندارىنا جولداما بار. جالپى اۋىر اتلەتتەرىمىز بەن باسقا دا سپورت تۇرلەرىنەن ونەر كورسەتەتىن سپورتشىلارىمىزدان زور ءۇمىت كۇتەمىز. سونىمەن قاتار بيىلعى وليمپيادا ويىندارىنا قاتىساتىن سپورتشىلارىمىز پارمەندىلىگى جاعىنان وتكەن ويىندارعا قاتىسۋشىلارعا قاراعاندا اناعۇرلىم جوعارى»، -دەيدى ن. كنيازەۆ.

قازىرگى كۇنگە دەيىن 59 دينامولىق سپورتشى لوندوندا وتەتىن وليمپيادا ويىندارىنا جولدامانى جەڭىپ الدى. الداعى ۋاقىتتا ولاردىڭ سانى ءالى دە ۇلعاياتىنى ءسوزسىز. ويتكەنى، كوپ ۇزاماي وندا باراتىن جەڭىل اتلەتتەرىمىزدىڭ دە ەسىمدەرى بەلگىلى بولماق.

«دينامو» دەنە شىنىقتىرۋ سپورت قوعامىنىڭ سپورت باسقارماسىنىڭ باسشىسى نيكولاي كنيازەۆتىڭ ايتۋىنشا، بيىلعى جارىستا «دينامولىقتاردىڭ»  التىن القانى ۇتىپ الۋ الەۋەتى جوعارى.

- «دينامولىقتار» العا قويعان ماقساتقا جەتىپ، جوسپاردى ورىندادى دەۋگە بولادى. ويتكەنى قازىرگى ۋاقىتقا دەيىن 59 سپورتشىمىزدا ەكى ايدان كەيىن كۇللى الەم حالقى نازارىن سالاتىن وليمپيادا ويىندارىنا جولداما بار. جالپى اۋىر اتلەتتەرىمىز بەن باسقا دا سپورت تۇرلەرىنەن ونەر كورسەتەتىن سپورتشىلارىمىزدان زور ءۇمىت كۇتەمىز. سونىمەن قاتار بيىلعى وليمپيادا ويىندارىنا قاتىساتىن سپورتشىلارىمىز پارمەندىلىگى جاعىنان وتكەن ويىندارعا قاتىسۋشىلارعا قاراعاندا اناعۇرلىم جوعارى»، -دەيدى ن. كنيازەۆ.

2008 جىلى بەيجىڭدە وتكەن ءححىح وليمپيادا ويىندارىنا 63 دينامولىق قاتىسىپ، سپورتتىڭ 14 تۇرىنەن سىنعا تۇسكەن بولاتىن. ناتيجەسىندە 11 دينامولىق سپورتشى جەڭىسپەن ورالدى. ياعني، 2 التىن، 4 كۇمىس جانە 5 قولا مەدالدى ۇتىپ العان. ولاردىڭ ىشىندە قر ۇقك بد اعا لەيتەنانتى يليا يلين (اۋىر اتلەت), قر ءىىم ءىا لەيتەنانتى باحىت سارسەكباەۆ (بوكس) التىن القانى ۇتىپ السا،  يرينا نەكراسوۆا (اۋىر اتلەت), تايمۋراز تيگيەۆ (ەركىن كۇرەس), اننا ۆاجەنينا (اۋىر اتلەت), قر ۇقك بد لەيتەنانتى اسحات جىتكەەۆ (دزيۋدو) كۇمىس مەدالدى ۇتىپ العان بولاتىن. سونىمەن قاتار نۇرباقىت تەڭىزباەۆ (گرەك-ريم كۇرەسى), اسەت مامبەتوۆ (گرەك-ريم كۇرەسى), پوليتسيا لەيتەنانتى ماريا گرابوۆەتسكايا (اۋىر اتلەت), ماريد مۋتاليموۆ (ەركىن كۇرەس), ارمان شىلمانوۆ (تاەكۆوندو) قولا مەدالعا قول جەتكىزگەن بولاتىن.

سونداي-اق جاقسى ونەر كورسەتىپ، جەڭىس تۇعىرىنا قول سوزىمداي جەر قالعاندا سۇرىنگەن سپورتشىلارىمىزدى دا اتاپ ءوتۋدى ءجون كوردىك. كوركەم گيمناستيكادان ءاليا يۋسۋپوۆا، ايەلدەر اراسىنداعى ەركىن كۇرەستەن تاتيانا باكاتيۋك، دزيۋدودان شولپان قاليەۆا، اۋىر اتلەتيكادان باحىت احمەتوۆ جانە ۆلاديمير سەدوۆ، بوكستان رۋسلان مىرساتاەۆ، گرەك-ريم ۇرەسىنەن دارحان باياحمەتوۆتەر 5 ورىنعا تابان تىرەگەن بولاتىن.

قازاقستان ءوزى دەربەس ەل رەتىندە وليمپيادا ويىندارىنا قاتىسا باستاعالى جۇلدەمەن ورالاتىن «دينامولىقتاردىڭ» سانى ءار ويىن سايىن ءوسىپ كەلەدى. بيىلعى ححح وليمپيادا ويىندارىندا دا سپورتشىلارىمىز ەل مەرەيىن اسقاقتادى دەگەن سەنىمدەمىز.

ادىلەت مۇساحاەۆ

«دينامو» دشسق

ءباسپاسوز قىزمەتىنىڭ جەتەكشىسى