وزبەكستاننىڭ كوممەرتسيالىق بانكتەرىنە ءجۇزىم وتىرعىزۋدى قارجىلاندىرۋ ءۇشىن 100 ميلليون دوللار بولىنەدى دەپ حابارلادى پرەزيدەنتتىڭ ءباسپاسوز قىزمەتى.

«ورتا ەسەپپەن 1 ​​گەكتار القاپتا ءجۇزىم وسىرۋگە 100 ميلليون سۋم جۇمسالادى، ال 4 جىلدىڭ ىشىندە ول 250 ميلليون سۋم تازا پايدا اكەلۋى مۇمكىن»، - دەلىنگەن حابارلامادا.

ءباسپاسوز قىزمەتىنىڭ اقپاراتىنا سايكەس، جەرگىلىكتى ءجۇزىمنىڭ شىعىمى باسقا ازيا ەلدەرىنە قاراعاندا 1,5-2 ەسە تومەن. وزبەكستانداعى ءجۇزىمنىڭ باسىم كوپشىلىگى سۇيەكتى سورتتار، ال الەمدە تۇقىمسىز جۇزىمگە سۇرانىس ارتىپ كەلەدى.

سالانىڭ ەكسپورتتىق الەۋەتىن تالداۋ بارىسىندا اعىمداعى جىلى اسحانالىق ءجۇزىم ەكسپورتىن 200 ميلليون دوللارعا دەيىن، مەيىز - 130 ميلليون دوللارعا، ال تابيعي شاراپتار ەكسپورتىن 50 ميلليون دوللارعا دەيىن ۇلعايتۋعا بولاتىندىعى ناقتىلانعان.

Abai.kz