بەلارۋس پرەزيدەنتى الەكساندر لۋكاشەنكو رەسەي باسشىسى ۆلاديمير پۋتينمەن كەزدەستى. كەزدەسۋ سانكت-پەتەربۋرگ قالاسىندا ءوتتى. ەكى ەل باسشىلارى بىرقاتار ماسەلەلەردى، ونىڭ ىشىندە حالىقارالىق جاعدايدى دا تالقىلادى. 

لۋكاشەنكو كەزدەسۋدە بىلاي دەدى: ء"بىز شىدايمىز عوي، بىراق قازىر ءسىز بەن ءبىز اڭعارىپ وتىرعانىمىزداي، ەڭ باستىسى مەملەكەتتەرىمىزدىڭ قاۋىپسىزدىگى. بۇعان بارىنشا نازار اۋدارۋعا ءتيىسپىز. ولار ءبىز جايلى نە ايتسا دا، ءبىز ۋاقىتىندا قورعانىس پەن قاۋىپسىزدىك سالاسىنا كوڭىل ءبولىپ، دۇرىس جاساپپىز. 

مەندە سىزگە نە بولىپ جاتقانىن ايتىپ ءجۇرمىن. وزگەرىس ديناميكاسى وتە قارقىندى. كۇن سايىن بولىپ جاتىر. ەڭ باستىسى ۆلاديمير ۆلاديميروۆيچ ولار ءوتىپ كەتتى...ءبىز سىزبەن وتكەندە بەلارۋس ەلىندەگى بۇلىكتىڭ نەمەسە ءتۇستى رەۆوليۋتسيانىڭ قالاي ءوربيتىنىن تالقىلاعان ەدىك. ءبارى بۇلىكتەن باستالدى.

ولار جەكە تەررورعا كوشتى. مەن ءسىزدى بىرنەشە سۇراق بويىنشا اقپاراتتاندىرىپ وتىرمىن. ءار كۇن سايىن دامىپ كەلەدى. جەكە تەررور. اشىق ايتقان ادامدارعا قاتىستى ءجۇرىپ جاتىر. مەملەكەت پەن مەملەكەتتىك ءۇشىن سويلەگەن ادامدارعا قارسى جاساپ جاتىر. قازىر دەپۋتاتتارعا كوشتى. وڭباعاندار دەپۋتات تۇراتىن ءۇيدى بالالارى بار ساتتە شابۋىلدايدى. بالالارى ۇيىندە، تۇسىنەسىز بە؟! قىسىم جاساپ، قورقىتقىسى كەلەدى.

بىراق مەنىڭ ويىمشا بۇل ۋاقىتشا قۇبىلىس، ءبىز ولاردىڭ بارلىعىن انىقتاپ، ۇستاپ، قاتاڭ تۇردە زاڭ اياسىندا جازاعا تارتامىز. ۆلاديمير ۆلاديميروۆيچ بۇل ءبىز ءۇشىن اپات ەمەس. تەررور مەن باسقاسىنا شامامىز كەلەدى. باستىسى ەكونوميكا", - دەدى لۋكاشەنكو.

ادەتتەگىدەي لۋكاشەنكو پۋتينگە ءوز ەلىندە تەررورمەن قالاي كۇرەسىپ جاتقانىن ايتا وتىرىپ، ەكونوميكانى مەڭزەپ، ءبىر جەڭىلدىكتەر سۇرادى. پۋتين كەزدەسۋ بارىسىندا بىلاي دەدى: "وتكەن جىلى ءبىزدىڭ ەلدەرىمىز اراسىنداعى تاۋار اينالىمى ۆيرۋستىڭ سالدارىنان تومەندەپ كەتتى، شامامەن 17 پايىزعا. بيىل ءتورت-بەس ايدىڭ ىشىندە ول 37 پايىزعا دەيىن كوتەرىلدى. بۇل جاقسى كورسەتكىش. 

كوروناۆيرۋس پاندەمياسى، سىرتقى قىسىم مەن سانكتسيالىق ساياساتتارعا قاراماستان رەسپۋبليكا كرەديتىن ءساتتى وتەۋدە. جاڭا عانا ماعان بەلارۋس ەلىنىڭ سىرتقى قارىزى ەكى جارىم پايىزعا ازايدى دەگەن حابار ەستىدىم، ياعني 1,5 ميللياردقا ازايتا بىلدىڭىزدەر. ياعني بۇل تۇرعىدان بەلارۋس سەنىمدى جانە تۇراقتى سەرىكتەس".

لۋكاشەنكو كەزدەسۋ بارىسىندا رەسەي مەن بەلارۋسقا قىسىم جاساۋ باتىستىڭ قولىنان كەلمەيتىنىن، جاعدايدىڭ وزگەرگەنىپ مالىمدەدى. كەزدەسۋ بارىسىندا "وداقتاس ەل" جوباسى دا ءسوز بولىپ، پۋتين بۇل جوبانى مۇقيات ىسكە اسىرۋ كەرەكتىگىن ايتتى. ال مينسك 2022 جىلعى گاز باعاسىنا جەڭىلدىك الدى.

لۋكاشەنكو مەن پۋتين 2021 جىلى 4 مارتە رەسمي كەزدەستى. ياعني ورتا ەسەپپەن ءبىر جارىم اي سايىن ءبىر كەزدەسۋ دەگەن ءسوز. ءتىپتى ءبىر ەلدىڭ پرەزيدەنتى مەن وبلىس اكىمىنىڭ، مينيسترلەرىنىڭ ءوزى بۇلاي ءجيى كەزدەسپەيدى. كەزدەسۋ باعىتى سول ءبىر گاز باعاسىنا جەڭىلدىك  جانە قارجى تۇرىندە نەسيە الۋ. لۋكاشەنكونىڭ ءار كەزدەسۋىندە پۋتينگە ءيىلۋ مەن باعىنۋ بايقالادى. قۇددى ءبىر وزگە ەلدىڭ باسشىسى ەمەس، رەسەيدىڭ گۋبەرناتورى ىسپەتتەس.

Abai.kz