اقمولا وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ جەتەكشىسى ايناگۇل مۋسينا تۇرعىنداردى الەۋمەتتىك جەلىلەردەگى جالعان حابارلارعا سەنبەۋگە شاقىردى. سونداي-اق سىرقاتتانعاندار سانىنىڭ كوبەيۋى جاپپاي ۆاكتسيناتسيامەن بايلانىستى دەگەن پىكىردى جوققا شىعاردى. بۇل تۋرالى baq.kzكە سىلتەمە جاساپ، Abai.kz حابارلايدى. 

شىلدە ايىنىڭ باسىنان بەرى ەڭ كوپ ءوسىم كوكشەتاۋدا (46 جاعداي), بۇلاندى (26 جاعداي), بۋراباي (20 جاعداي), اقكول (10 جاعداي) اۋداندارىندا بايقالادى. سوڭعى تاۋلىكتە جۇقتىرعاندار سانى 140 ادامدى قۇرادى. ونىڭ 90%- ىندا ۆيرۋستىڭ ايقىن بەلگىلەرى بار.

"بۇگىنگى تاڭدا توسەك قورىنىڭ جۇكتەمەسى 35%-دان 52%-عا دەيىن ارتتى. 77 ناۋقاس رەانيماتسيادا، تورتەۋى وتە اۋىر جاعدايدا. 76 جۇكتى ايەل ەم الۋدا، ونىڭ 42-ءسى (55%) ستاتسيونارلارعا جاتقىزىلدى. كۆي (جرۆي جانە پنەۆمونيا) كۇدىگى بار وتىنىشتەر سانى ەكى ەسەگە ارتتى. تۇرعىندار بەتپەردە كيۋ، الەۋمەتتىك قاشىقتىقتى ساقتاۋ سياقتى كارانتين شارالارىن ساقتاماي، كوپشىلىك جينالاتىن ورىندارعا بارۋدى جالعاستىرۋدا. ال بۇل ايماقتاعى ەپيدەميولوگيالىق جاعدايدىڭ ناشارلاۋىنا اسەر ەتۋدە", - دەپ اتاپ ءوتتى باس سانيتارلىق دارىگەر.

وبلىستا بالالار اراسىندا ينفەكتسيا جۇقتىرعاندار سانى 13 ەسە ارتقان.

سوڭعى اپتادا سىرقاتتانعاندار سانى 643-تەن 892 جاعدايعا دەيىن ارتتى. وتكەن جىلدىڭ العاشقى التى ايىندا بارلىعى 14 جاسقا دەيىنگى بالالار اراسىندا كۆي اۋرۋىنىڭ 143 جاعدايى انىقتالسا، بيىل 14 جاسقا دەيىنگى بالالار اراسىندا 1 818 جاعداي تىركەلدى، - دەپ تولىقتىردى ايناگۇل مۋسينا.
وڭىردە حالىقتى COVID-19-عا قارسى ەكپە جۇمىستارى سپۋتنيك V, QazVac, Xayatvaس جانە CoronaVac ۆاكتسينالارىمەن جۇرگىزىلەدى. الايدا قازىرگى ۋاقىتتا تەك ءبىرىنشى كومپونەنت – سپۋتنيك V عانا بار.

"بۇگىنگى تاڭدا ۇلىبريتانيا مەن رەسەيدە ينفەكتسيا جۇقتىرعاندار سانى تاۋلىگىنە 25 مىڭعا جەتەدى. رەسەيدە ءبىر تاۋلىكتەگى ءولىم سانى - 743, ال ۇلىبريتانيادا – 0. بۇل ۇلىبريتانيادا ۆاكتسيناتسيانىڭ ءساتتى ءجۇرىپ جاتقاندىعىنا بايلانىستى، حالىقتىڭ 80%-دان استامى يممۋنيزاتسيادان ءوتتى، ال رەسەيدە ۆاكتسينانىڭ ءبىرىنشى كومپونەنتىن تەك 20%-ى عانا الدى. بۇل كورسەتكىش كوروناۆيرۋسقا قارسى ۆاكتسيناتسيانىڭ تيىمدىلىگى مەن قاجەتتىلىگىن تاعى دا دالەلدەيدى", – دەدى باس سانيتارلىق دارىگەر.

ونىڭ ايتۋىنشا، اقمولا وبلىسىندا بارلىق ۆاكتسينالاردىڭ ءبىرىنشى كومپونەنتىمەن 177115 ادام ەگىلدى، تۇرعىنداردى ۆاكتسينامەن قامتۋ – 43%. ەكىنشى كومپونەنتتى 89372 اقمولالىق الدى، بۇل كورسەتكىش 21%-دى قۇراپ وتىر. وبلىستا مەديتسينا قىزمەتكەرلەرىنىڭ 93%-ى، پەداگوگتاردىڭ 69%-ى، پوليتسەيلەردىڭ 100%-ى، مەملەكەتتىك قىزمەتشىلەردىڭ 62%-ى، ءجوب قىزمەتكەرلەرىنىڭ 83%-ى ۆاكتسينا الدى. بۇل رەتتە مەديتسينا قىزمەتكەرلەرى مەن پوليتسەيلەر اراسىندا سىرقاتتانۋشىلىق 6 جانە ودان دا كوپ ەسە تومەندەگەن.

"ۆاكتسيناتسيادان كەيىن ادامدار اۋىرىپ قالعان جاعدايلار بار. بىراق كوپ ادامدار ۆاكتسينانىڭ ءبىرىنشى كومپونەنتىن السا، كەلەسى كۇنى ماسكاسىز جۇرە بەرۋگە بولادى دەپ سانايدى. ۆاكتسينا العان ادام ۆيرۋستان قورعالادى. الايدا، ءبىرىنشى كومپونەنتتى العاننان كەيىن يممۋنيتەتتى دامىتۋ ءۇشىن 56 كۇن نەمەسە ءبىر جارىم اي قاجەت. وسى رەتتە ءبىز مونيتورينگ جۇرگىزدىك. ەكىنشى كومپونەنتتى العاننان كەيىن بىزدە ەگىلگەن 177 مىڭ اقمولالىقتىڭ 10-عا جۋىعى عانا سىرقاتتاندى. بىراق ەشقانداي ۆاكتسينا 100 پايىزدىق قاۋىپسىزدىكتى قامتاماسىز ەتپەيدى. سپۋتنيك V كومپونەنتىنىڭ اعزانى 92% ۆيرۋستان قورعايدى. اعزانىڭ جەكە ەرەكشەلىكتەرىنە بايلانىستى يممۋنيتەت ناشار دامۋى مۇمكىن. ەكىنشى كومپونەنتتى العانعا دەيىن، 56 كۇنگە دەيىن اۋىراتىندار بار. بۇل ادامداردىڭ يممۋنيتەتتى ءالى قالىپتاسپاعان، ەگەر ۆيرۋستىق جۇكتەمە ۇلكەن بولسا، ولار اۋىرىپ قالادى. بىراق ۆاكتسيناتسيا العاندار كۆي-ءدى جرۆي جانە سۋىق تيۋ سياقتى جەڭىل دارەجەدە قابىلدايدى. وبلىستا ۆاكتسيناتسيادان كەيىنگى ءولىم جاعدايلارى تىركەلگەن جوق، ەكپە العانداردىڭ ەشقايسىسى رەانيماتسيادا جاتقان جوق. فەيككە سەنبەڭىزدەر، ۆاكتسينادان قورقۋدىڭ قاجەتى جوق", - دەپ اتاپ ءوتتى ا.مۋسينا.

ونىڭ مالىمدەۋىنشە، وڭىردە تۇرعىنداردىڭ تەك 21%-ى ۆاكتسيناتسيانىڭ تولىق كۋرسىن الدى. حالىقتىڭ 60%-دان استامى ۆاكتسيناتسيامەن قامتىلعان جاعدايدا عانا ۇجىمدىق يممۋنيتەتكە قول جەتكىزىلەدى. بۇل بارلىق شەكتەۋ شاراسىن الىپ تاستاۋعا مۇمكىندىك بەرەدى.

Abai.kz