ازاتتىقتىڭ تۇركىمەنستانداعى ءتىلشىسىنىڭ حابارلاۋىنشا، شەكارا ايماعىنا اسكەري تەحنيكالار جەتكىزىلىپ جاتىر. كەيبىر مالىمەتتەرگە قاراعاندا، قۇقىق قورعاۋ ورگاندارى قىزمەتكەرلەرى ونداعى تۋىستارىن باسقا ايماققا كوشىرىپ جاتىر.
بۇل جاعدايدى باقىلاپ وتىرعان مارى تۇرعىندارى قاۋىپسىزدىگىنە الاڭدايدى.
ءتىلشىنىڭ حابارلاۋىنشا، شەكارا ايماعىنا اسكەري تەحنيكالاردان باسقا جاۋىنگەرلەردىڭ شۇعىل قىزمەت جاساعى جونەلتىلىپ جاتىر.
اۋعانستانمەن شەكارالاس مارى قالاسىنىڭ توبەسىنەن سوڭعى بىرنەشە كۇننەن بەرى تىكۇشاق ۇشىپ ءجۇر.
شىلدە ايىنىڭ باسىندا تۇركىمەنستان ۇكىمەتى "تاليبان" قوزعالىسىن كەلىسسوز جۇرگىزۋ ءۇشىن اشعاباتقا شاقىرعان.
مامىر ايىنان باستاپ اۋعانستان جەرىنەن اقش باستاعان حالىقارالىق كواليتسيا اسكەرى شىعارىلىپ جاتىر. وسىدان كەيىن "تاليبان" قوزعالىسى اۋعانستانعا ىقپالىن كۇشەيتۋدە.
Abai.kz
