الماتى قالاسىنىڭ باس سانيتار دارىگەرى جانداربەك بەكشين وڭىرلىك كوممۋنيكاتسيالار قىزمەتىندە وتكەن بريفينگتە مەگاپوليسكە قاتىستى ەپيدەميولوگيالىق احۋالدىڭ ناشارلاعانىن ايتتى.

COVID-19 دەرتىنىڭ كەزەكتى ءتورتىنشى تولقىنى تامىز ايىنىڭ ورتاسىنان باستاپ قىركۇيەكتىڭ باسىنا دەيىن سوزىلادى دەپ كۇتىلىپ وتىر.

ج. بەكشيننىڭ ايتۋىنشا، ۆاكتسينا ىندەتتىڭ كۇردەلى كەزەڭىنەن وتۋگە كومەكتەسەدى. سونداي-اق الماتىدا اعزانى ىندەتتەن قورعايتىن تولىق ۆاكتسينا جەلىسى بار.

«سوڭعى اپتادا كوروناۆيرۋسقا قاتىستى ەپيدەميولوگيالىق احۋال ۋشىعىپ وتىر. وتكەن اپتانى الدىڭعىمەن سالىستىرعاندا كۆي جاعدايىنىڭ تىركەلۋى 1,4 ەسەگە – 5 790-نان 8 393 جاعدايعا دەيىن ءوستى، تاۋلىكتىك ءوسىم - 1,5%. 23 شىلدەدەن باستاپ كۇندەلىكتى كۆي كورسەتكىشى 1 مىڭنان استى جانە قازىردىڭ وزىندە 1 450-ءدى قۇرايدى. وسى ايدا الماتىدا 20 818 ناۋقاس انىقتالدى، ال جىل باسىنان بەرى 76 603 ناۋقاس تىركەلدى»، – دەدى مەگاپوليستىڭ باس سانيتار دارىگەرى.

ونىڭ ايتۋىنشا، شىلدەدەگى ەپيدەميولوگيالىق جاعدايدىڭ ناقتى بولجامى - 27,5 مىڭ، ال ءىس جۇزىندە 2 مىڭ جاعدايدى قۇرايدى.

«الماتىدا ىندەتتىڭ كەزەكتى ءتورتىنشى تولقىنى تامىز ايىنىڭ ورتاسىندا باستالىپ، قىركۇيەكتىڭ باسىندا تومەندەيدى دەپ كۇتىلىپ وتىر. تامىز ايىندا - 34,5 مىڭ جاعداي، قىركۇيەكتە - 4,5 مىڭ جاعداي بولادى دەپ بولجانعان. 7 كۇن ىشىندە سيمپتومدى ناۋقاستاردىڭ ۇلەسىنىڭ ارتۋى 89,4-تەن 90,7%-عا دەيىن جالعاستى، بۇل سOVID-19 دەلتا نۇسقاسىنىڭ تەز تارالعانىن كورسەتەدى»، –دەدى ج. بەكشين.

Abai.kz