الەۋمەتتىك جەلىلەردە تارالعان «وقۋشىلار ءبىرىنشى توقساندا قاشىقتان ءبىلىم الادى» دەگەن اقپارات جالعان. بۇل تۋرالى قر ءبىلىم جانە عىلىم مينيسترلىگى مالىمدەدى. 

«الەۋمەتتىك جەلىلەردە قازاقستاندىقتار جاڭا وقۋ جىلىنىڭ ءبىرىنشى توقسانىندا قاشىقتان ءبىلىم الادى ەكەن، بۇل تۋرالى ءبىلىم جانە عىلىم ءمينيسترى اسحات ايماعامبەتوۆ بريفينگتە مالىمدەدى دەگەن جالعان اقپارات تاراپ جاتىر.

اسحات ايماعامبەتوۆ بريفينگتەردە مۇنداي مالىمدەمە جاساعان جوق. وقىتۋ فورماتى تۋرالى شەشىمدى كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا، ەلدىڭ باس مەملەكەتتىك سانيتارلىق دارىگەرى جانە وڭىرلەردىڭ باس سانيتارلىق دارىگەرلەرى قابىلدايدى»,- دەلىنگەن مينيسترلىك مالىمەتىندە.

ايتا كەتەيىك، بۇعان دەيىن مەملەكەت باسشىسى جاڭا وقۋ جىلىن ءداستۇرلى فورماتتا وقىتۋ جونىندە ايتقان بولاتىن.

Abai.kz