جاڭاءوزەندەگى "KMG EP-Catering" جاۋاپكەرشىلىگى شەكتەۋلى سەرىكتەستىگىنىڭ اBUEV GROUP اۋتسورسينگ مەكەمەسى جۇمىسشىلارىنىڭ ەرەۋىلى تءوءرتىنشى كءۇنگە ۇلاستى. بۇل تۋرالى سentralasian مالىمدەدى. 

وزدەرىن تۇراقتى جۇمىسقا الۋدى تالاپ ەتكەن اسپازدار، ەدەن جۋشىلار مەن جۇكشىلەر ءالى جۇمىسقا شىقپاي تۇر. ماڭعىستاۋ وبلىسىندا "ەمير-ويل" مەكەمەسىندە دە ەرەۋىل باستالعانى حابارلاندى.

اBUEV GROUP اۋتسورسينگ مەكەمەسى جۇمىسشىلارىنىڭ ءبىرىنىڭ ايتۋىنشا، وتكەن سەنبىدە بيلىك پەن جۇمىس بەرۋشى ارالاسقان كەلىسىم كوميسسياسى ورتاق شەشىمگە كەلە الماعان.

- بىزگە ءوزىمىز تالاپ ەتكەن "وزەنمۇنايگازدىڭ" ناقتى اۋتسورسينگ مەكەمەسىنىڭ جانە "KMG EP-Catering" كومپانياسىنىڭ اتاۋى ناقتى كورسەتىلمەگەن حاتتاما ۇسىنىپ، "قول قويىڭدار دا، جۇمىسقا شىعا بەرىڭدەر" دەيدى. سونداي شەشىم بولا ما؟ ءبىز كەلىسپەدىك. ەندى پروبلەمانى شەشۋدىڭ ورنىنا تالاپ قويعانداردى ءبىر-بىردەن قورقىتىپ، "مۇلدەم جۇمىسسىز قالاسىڭ" دەپ قىسىم جاساپ جاتىر، - دەيدى اتى-ءجونىن ايتپاۋدى سۇراعان ەرەۋىلشىلەردىڭ ءبىرى.

ولاردىڭ ايتۋىنشا، جىل سايىن "KMG EP-Catering" وتكىزەتىن تەندەردى ءار ءتۇرلى مەكەمەلەر جەڭىپ الىپ، دەمالىسسىز ماردىمسىز جالاقى بەرەدى.

- بيىلعى تەندەردى 2023 جىلعا دەيىن اBUEV GROUP جەڭىپ الىپ وتىر. بىراق ءبىز ەڭبەك جاعدايى جاسالماعان، از جالاقىمەن (70-100 مىڭ تەڭگە) جۇمىس ىستەۋدەن شارشادىق. ەل قاتارلى تولەنەتىن دەمالىس الىپ، وتباسىمىزعا اسىراي الاتىن تابىس تاپقىمىز كەلەدى، - دەيدى جۇمىسشى.

ەرەۋىلشىلەردىڭ سوزىنە قاراعاندا، "كەندىرلى" دەمالىس ايماعىنداعى وسى مەكەمەنىڭ 20 شاقتى جۇمىسشىسى دا جۇمىسقا شىعۋدان باس تارتىپ وتىر.

ازاتتىق ءتىلشىسى "KMG EP-Catering" كومپانياسى باس ديرەكتورى جاسۇلان وتەگەنوۆكە قوڭىراۋ شالعان ەدى. الايدا حاتشىسى "قولى بوس ەمەس" دەپ قوسپادى. ال اBUEV GROUP جشس ديرەكتورى سالامات ابۋەۆ جۇمىسشىلار تالابىن ورىنداۋ وڭاي ەمەس ەكەنىن ايتىپ، ەرەۋىلشىلەرگە كورسەتىلگەن قىسىمدى جوققا شىعاردى.

- مەن قازىر اكىمدىكتە وتىرمىن. جاڭاوزەندە ەڭبەك داۋى كوپ. شەشىمدى قاراستىرىپ جاتىرمىز، -دەدى ول.

"KMG EP-Catering" - "قازمۇنايگاز" ۇلتتىق كومپانياسىنىڭ ەنشىلەس مەكەمەسى. وندا جالپى سانى مىڭنان استام ادام جۇمىس ىستەيدى. ونىڭ جاڭاوزەندەگى بولىمشەسىندە 300-گە تارتا جۇمىسشى بار.

كومپانيا ماڭعىستاۋ، اتىراۋ وبلىستارىندا مۇنايشىلاردى ىستىق تاماقپەن قامتاماسىز ەتۋ، "كەندىرلى" دەمالىس ايماعىندا دەمالۋشىلار مەن مۇنايشىلارعا قىزمەت كورسەتۋ، مۇناي كەن ورىندارىندا تازالىق جۇمىستارىن جۇرگىزۋ، "وزەمۇنايگازدىڭ" بارلىق وندىرىستىك بولىمشەلەرىن، اسحانالارىنا شارۋاشىلىق تۇرمىستىق قىزمەت كورسەتۋمەن اينالىسادى.

Lada.kz سايتىنىڭ جازۋىنشا، وسى دەمالىس كۇندەرى ماڭعىستاۋ وبلىسىندا "ەمير-ويل" مەكەمەسىنىڭ جۇمىسشىلارى پرەزيدەنت قاسىم-جومارت توقاەۆقا ۆيدەوۇندەۋ جولداپ، جالاقىنى 70 پايىزعا ءوسىرۋدى تالاپ ەتكەن. سايت مۇنايشىلاردىڭ ۆيدەوسىن دا جاريالادى. ۆيدەو 31 شىلدەدە جازىلعان.

"قىمباتشىلىقتان تۇرمىس جاعدايىمىزدىڭ ناشارلاۋىنا بايلانىستى ەڭبەكاقىمىزدى 70 پايىزعا ءوسىرۋدى تالاپ ەتىپ، 2021 جىلى 1 شىلدەدە مەكەمە باسشىلىعىنا جانە اكىمشىلىككە حات جولداعانبىز. مەكەمە باسشىلىعى جالاقىنى 10 پايىزعا عانا وسىرە الامىز دەپ جاۋاپ بەردى. الايدا 10 پايىز ءبىزدىڭ تۇرمىس جاعدايىمىزدى جاقسارتۋعا جەتكىلىكسىز. ال وبلىستىق اكىمدىكتەن ەش جاۋاپ جوق" دەيدى بيلىكتەن كومەك سۇراعان جۇمىسشىلار مالىمدەمەدە.

ازاتتىق ءتىلشىسى مەكەمە وكىلدەرىنەن اقپارات الۋ مۇمكىندىگىن قاراستىرىپ جاتىر.

ماڭعىستاۋ وبلىسىندا كەيىنگى ايلاردا جالاقى ءوسىرۋ مەن ەڭبەك جاعدايىن جاقسارتۋدى تالاپ ەتكەن جۇمىسشىلار نارازىلىعى كوبەيگەن. ولاردىڭ كوبى تالاپتارى ورىندالعاننان كەيىن ەرەۋىلدى توقتاتقان.

Abai.kz