قازاقستان ازاماتتاردىڭ قاۋىپسىزدىگى مەن قورعالۋىن زەرتتەيتىن رەيتينگىندە 167 ەلدىڭ ىشىندە 81-ورىندى يەلەندى. بۇل تۋرالى Finprom.kz مالىمدەدى.

رەيتينگ اۆتورلارى زەرتتەۋ بارىسىندا ەلدە بولاتىن سوعىس، قاقتىعىس، قىلمىس پەن تەررور كەزىندە ازاماتتاردىڭ قاۋىپسىزدىگى قانشالىقتى قامتاماسىز ەتىلگەندىگىن باعالادى.

رەيتينگتىڭ العاشقى ورىندارىندا ەۋروپا مەملەكەتتەرى - شۆەيتساريا، نورۆەگيا جانە ليۋكسەمبۋرگ ورنالاسقان. ەڭ تومەنگى جاعىندا تۇراقتى ازاماتتىق قاقتىعىس ايماعى - وڭتۇستىك سۋدان ورنالاسقان.

رەيتينگتە تمد ەلدەرى اراسىندا وزبەكستان، ارمەنيا، تۇركىمەنستان، بەلارۋس، قىرعىزستان، مولدوۆانىڭ كورسەتكىشى قازاقستاننان جوعارى بولدى. الايدا، قر تاجىكستان، ءازىربايجان، رەسەي جانە ۋكراينادان جوعارى تۇر.

جالپى، بيىل قاۋىپسىزدىكتى قامتاماسىز ەتۋ جانە تەرگەۋ جۇرگىزۋ بويىنشا قىزمەتتەر كولەمى 10 پايىزعا تومەندەدى. ونىڭ كولەمى 64,7 ميلليارد تەڭگەگە جەتكەن.

مۇنداي قىزمەتتەردىڭ باسىم بولىگى الماتىدا - 15,3 ميلليارد (16,8 پايىزعا ءوسۋ). كوشباسشىلار قاتارىندا استانا مەن اتىراۋ وبلىسى دا بار.

جەكە كۇزەت ۇيىمدارىنىڭ قىزمەتىنە 51 ميلليارد تەڭگەگە 80,7 پايىز قىزمەت كورسەتىلدى. قاۋىپسىزدىك جۇيەلەرى سالاسىنداعى قىزمەتتەر 8 ميلليارد تەڭگە بولعان. بۇل جىلىنا - 24,6 پايىز. ۇلتتىق كومپانيالار قۇرعان كۇزەت ۇيىمدارىنىڭ قىزمەتتەرى 32,1 پايىزعا، 3,8 ميلليارد تەڭگەگە دەيىن ءوستى. تەرگەۋ جۇرگىزۋ قىزمەتىنە 393,4 ميلليون تەڭگە جۇمسالدى.

2020 جىلى قازاقستان ەڭ قاۋىپسىز ەلدەر رەيتينگىندە تمد ەلدەرى اراسىندا ءبىرىنشى ورىندى جانە الەمدە 64-ورىندى يەلەنگەن.

Abai.kz