سۋ ورتالىق ازيا ەلدەرىن بىرىكتىرەتىن رەسۋرس بولۋى قاجەت. بۇل تۋرالى قر پرەزيدەنتى قاسىم-جومارت توقاەۆ وا ەلدەرى باسشىلارىنىڭ كونسۋلتاتيۆتىك كەزدەسۋىندە ءمالىم ەتتى.

مەملەكەت باسشىسى سۋ رەسۋرستارىمەن قامتاماسىز ەتۋ مەن ايماقتىڭ بيو جانە ەكوجۇيەسىن ساقتاۋدى ورتالىق ازياداعى نەگىزى ماسەلەنىڭ ءبىرى رەتىندە اتاپ ءوتتى.

«ءبىز قازىردىڭ وزىندە كليماتتىڭ جاھاندىق جىلىنۋى سالدارىن سۋدىڭ ازايۋى مەن قۇرعاقشىلىق ارقىلى كورىپ وتىرمىز. بۇل اسىرەسە سىرداريا باسسەينىندە ەرەكشە سەزىلىپ وتىر. كەيىنگى ەكى جىلداعى ۆەگەتاتسيالىق كەزەڭدە شاردارا سۋ قويماسىنا جينالاتىن سۋ كولەمى 40 پايىزعا، كىشى ارال تەڭىزىنە كەلەتىن سۋ مولشەرى 60 پايىزعا ازايىپ كەتتى. ترانسشەكارالىق وزەندەر رەسۋرستارىن ءتيىمدى باسقارۋ مەن الدىڭعى قاتارداعى تەحنولوگيالىق شەشىمدەردى ەنگىزۋ ءۇشىن بىرىككەن سۋ ساياساتىن ەنگىزۋ ماڭىزدى. ءبىزدىڭ ءوزارا ءىس-قيمىلىمىز تاراپتاردىڭ مۇددەسىن ەسكەرگەن جانە ءوزارا مىندەتتەردى تولىقتاي ورىندايتىن، تەڭ دارەجەدە قولدانۋ ءپرينتسيپى نەگىزىندە جۇزەگە اسۋى ءتيىس. سۋ ورتالىق ازيا ەلدەرىنىڭ اراسىن اشۋدىڭ باسى ەمەس، كەرىسىنشە بىرىكتىرەتىن رەسۋرس بولۋى قاجەت»، – دەدى قاسىم-جومارت توقاەۆ.

Abai.kz