مەملەكەت باسشىسى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى قازاقستاننىڭ قارۋلى كۇشتەرى سالاسىندا دا ىسكە اسىرىلۋدا.

جۋىردا نۇرلان ەرمەكباەۆ باسشىلىق ەتەتىن قر قورعانىس مينيسترلىگىنىڭ اقپاراتتىق-ءتۇسىندىرۋ توبى قر قارۋلى كۇشتەرىنىڭ «شىعىس» وڭىرلىك قولباسشىلىعىنا قارايتىن اسكەري بولىمدەر مەن مەكەمەلەردى ارالاپ، اقپاراتتىق-ءتۇسىندىرۋ جۇمىستارىن جۇرگىزگەن.

كەزدەسۋلەر اسكەري قالاشىقتارداعى ارنايى بەلگىلەنگەن ورىنداردى وتكەن. وعان قر قك ەكونوميكا جانە قارجى، تاربيە جانە يدەولوگيالىق جۇمىس تار دەپارتامەنتتەرىنىڭ، قر قك اسكەرلەردى باسپانامەن قامتۋ باسقارماسىنىڭ وكىلدەرى مەن زاڭگەرلەر قاتىسقان. اسكەري قىزمەتشىلەر جانە ولاردىڭ وتباسى مۇشەلەرىمەن جەكەلەگەن كەزدەسۋلەر ۇيىمداستىرىلعان.

«حالىق ۇنىنە قۇلاق اساتىن مەملەكەت» تۇجىرىمداماسى اياسىندا اسكەري قىزمەتشىلەر مەن ولاردىڭ وتباسى مۇشەلەرىنىڭ الەۋمەتتىك، تۇرمىستىق جانە تۇرعىن ءۇي ماسەلەلەرى زەردەلەنىپ، بارىنشا قىسقا مەرزىم ىشىندە شەشۋ نازارعا الىندى»، - دەپ جازىلعان مينيسترلىك اقپارىندا.

قر قورعانىس مينيسترلىگى جانىنان قۇرىلعان اقپاراتتىق-ءتۇسىندىرۋ جۇمىس توبى وفيتسەرلەرىنىڭ نەگىزگى قىزمەتى قر قك اسكەري بولىمدەرىندە جوعارعى مورالدىق ءھام پسيحولوگيالىق جاعدايدى باقىلاۋعا جانە قولداۋعا، اسكەر ساپىندا جۇرگەندەر اراسىندا ءتۇسىندىرۋ جۇمىستارىن جۇرگىزۋگە، قر قارۋلى كۇشتەرىنىڭ ارداگەرلەرىمەن، وزگە مەملەكەتتەر اۋماعىنداعى اسكەري، ۇرىس ءىس-قيمىلدارىنا قاتىسۋشى جاۋىنگەرلەرمەن ءوزارا بايلانىس ورناتۋعا باعىتتالعان ەكەن.

«قازىرگى تاڭدا ەلىمىزدىڭ بارلىق اۋم اعىندا ارداگەرلەر ۇيىمدارى جۇمىس ىستەپ جاتىر. قر قارۋلى كۇشتەرىنىڭ وڭىرلەردەگى اسكەري ءبولىم قولباسشىلارى اتالعان ۇيىم وكىلدەرىمەن تىعىز بايلانىستا. جاس ساربازداردى پاتريوتتىققا تاربيەلەۋدە ارداگەرلەردىڭ ومىرلىك تاجىربيەلەرى وتە ماڭىزدى ءرول اتقارادى»، - دەيدى ۆەدومستۆو وكىلى Abai.kz پورتالىنا بەرگەن پىكىرىندە.

مينيسترلىك اقپاراتىنا سۇيەنسەك، قازىرگى ۋاقىتتا قر قك ارداگەرلەرى مەن وزگە مەملەكەتتەردەگى اسكەري ۇرىس قيمىلدارىنا قاتىسۋشى وفيتسەرلەر قر قك ساپىنداعى جاڭا، جاس بۋىن ساربازدارعا ارانيى «ەرلىك ساباقتارىن» وتكىزۋدى قولعا العان.

«قر قك قورعانىس ۆەدومستۆوسى ارداگەرلەرمەن جۇيەلى تۇرلە جۇمىستار جۇرگىزۋگە باسا نازار اۋدارىپ وتىر. بۇل كىسىلەر اسكەري ۇرىس قيمىلدارىنا قاتىسقان بۇرىنعى اسكەري قىزمەتشىلەر. ولاردىڭ ومىرلىك تاجىربيەسى مول. سوندىقتان دا ولاردى قازاقستان ارمياسىنىڭ مۇددەسى ءۇشىن وسىنداي كوپتەگەن ءىس-شارالارعا تارتۋ ماڭىزدى»، - دەيدى قر قورعانىس مينيسترلىگىنىڭ تاربيە جانە يدەولوگيالىق جۇمىستار دەپارتامەنتى باستىعىنىڭ ورىنباسارى، پولكوۆنيك ەرميان بياتوۆ مىرزا.

28 شىلدەدەن 31 شىلدەگە دەيىنگى ارالىقتا قر قورعانىس مينيسترلىگىنىڭ ارنايى اقپاراتتىق-ءتۇسىندىرۋ توبى شقو، وسكەمەن، اياگوز قالالارى، جارما اۋدانى، جالعىزتوبە كەنتى مەن وعان الىس-جاقىن ورنالاسقان ەلدى مەكەندەردە ءتۇسىندىرۋ جۇمىستارىن جۇرگىزگەن.

بۇل جەرلەردە اقپاراتتىق-ءتۇسىندىرۋ توبىنا كىرەتىن تاربيە جانە يدەولوگيالىق جۇمىستار دەپارتامەنتىنىڭ وفيتسەرلەرى قر قك ارداگەرلەرىمەن، ەكىنشى دۇنيەجۇزىلىك سوعىس ارداگەرلەرىمەن، اسكەري زەينەتكەرلەر مەن جاپاستاعى اسكەري قىزمەتشىلەرمەن كەزدەسۋلەر وتكىزگەن. اسكەر ارداگەرلەرىنىڭ تۇيتكىلدى پروبلەمالارىن تىڭداپ، ارداگەرلەردى الەۋمەتتىك قولداۋ جانە كەپىلدىك بەرىلگەن قۇقىقتارمەن قامتاماسىز ەتۋ بويىنشا ماسەلەلەردى ششەشۋ ءۇشىن اسكەري بولىمدەر مەن بولىمشەلەرگە تاپسىرما بەرگەن.

مىسالى، شقو، جارما اۋدانى، قالباتاۋ كەنتىنىڭ ارداگەرلەرى وزدەرى تۇراتىن كەنتتەگى ينتەرناتسيوناليست جاۋىنگەرلەر اللەياسىنا كوسمەتيكالىق جوندەۋ جۇمىستارىن جۇرگىزىپ بەرۋدى وتىنگەن. بۇل بويىنشا ءتيىستى تاپسىرما بەرىلگەن. تاپسىرمانى سەمەي گارنيزونىنىڭ اسكەري قىزمەتشىلەرى ورىندايتىن بولادى.

سونداي-اق، قورعانىس مينيسترلىگىنىڭ اقپاراتتىق-ءتۇسىندىرۋ توبىنىڭ وكىلدەرى اياگوز جانە وسكەمەن قالاسىندا ورنالاسقان اسكەري گارنيزوندارداعى ساربازداردى سالتاناتى تۇردە زاپاسقا شىعارىپ سالۋ راسىمىنە دە قاتىسىپ قايتقان. ال قر قك ءۇاپو ورتالىق ءانسامبلى ەلىمىزدىڭ بارلىق ەلدى مەكەندەرىندە قر تاۋەلسىزدىگىنە 30 جىل تولۋىنا ارنالعان كونتسەرتتەر وتكىزگەن.

ەربول ءماسىلحان

Abai.kz