تاسس اگەنتتىگىنىڭ حابارلاۋىنشا، ساياساتكەر ەلشىنى "تەز ارادا" قايتارۋدى، سونىمەن بىرگە قىرعىزستانمەن "كوممەرتسيالىق بايلانىستاردىڭ ءبارىن توقتاتۋدى" تالاپ ەتكەن. جيرينوۆسكيدىڭ وسىنداي تالاپ قويۋىنا بىشكەكتە ورىس تىلىندە سويلەيتىن ساتۋشى ايەلگە شابۋىل جاسالۋى سەبەپ بولعان.
ساياساتكەردىڭ ايتۋىنشا، "قىرعىز ەلشىلىگى الدىندا وتە قاتاڭ پيكەت وتكىزۋ كەرەك". "مەن دە كەلەم. ءسويتىپ قاتاڭ تۇردە قىرعىزستاننىڭ رەسەيدەگى جۇمىسشىلارىن دەپورتاتسيالاۋدى تالاپ ەتەمىز", - دەگەن ۆلاديمير جيرينوۆسكي.
2021 جىلدىڭ باسىندا جيرينوۆسكي رەسەيگە ورتالىق ازيا ەلدەرىنىڭ ميگرانتتارىن كىرگىزۋدىڭ قاجەتى جوق دەپ مالىمدەگەن.
2013 جىلى قىرعىزستان ۆلاديمير جيرينوۆسكيدى پەرسونا نون گراتا دەپ جاريالاعان. سول كەزدە ساياساتكەر قىرعىزدار قارىزدى كەشىرگەنى ءۇشىن رەسەيگە ىستىقكولدى سىيلاۋى ءتيىس دەپ مالىمدەگەن. ساياساتكەردىڭ قىرعىزستانعا كەلۋىنە سالىنعان تىيىمنىڭ الىنعان-الىنباعانى ازىرگە بەلگىسىز.
Abai.kz
