10 تامىزدا قازاقستانعا پەكين بيولوگيالىق ينستيتۋتى جاساعان Vero Cell ۆاكتسيناسىنىڭ ءبىرىنشى پارتياسى جەتكىزىلدى.

سىناقتىڭ ءۇشىنشى كەزەڭ ناتيجەلەرى كورسەتكەندەي، 21 كۇن ارالىقپەن سالىنعان ۆاكتسينانىڭ ەكى دوزاسى SARS-CoV-2 ينفەكتسياسىنا قارسى 79% تيىمدىلىكتى كورسەتكەن. ۆاكتسينانىڭ جەڭىل نەمەسە ورتاشا سيپاتتالعان جاناما اسەرلەرى ەكى اپتا ىشىندە كەتەدى.

18 جاستان اسقان ادامدارعا Vero Cell ۆاكتسيناسىن ەگۋ ۇسىنىلادى. قازىرگى ۋاقىتتا كامەلەتكە تولماعان ادامداردى ۆاكتسيناتسيالاۋ بويىنشا سىناقتار جۇرگىزىلۋدە.

ۆاكتسينانى دەنە قىزۋى 38,5 C اسقان ازاماتتارعا سالۋعا كەڭەس بەرىلمەيدى. كوروناۆيرۋستان ەمدەلىپ جۇرگەندەرگە دە سالىنبايدى. ۆاكتسينانىڭ كەرى اللەرگيالىق اسەرى بولسا، ەكىنشى دوزاسىن ەگۋ كەيىنگە شەگەرىلەدى.

Abai.kz