ەۋروپاداعى ەجەلگى ەل - گرەتسياداعى قازاقستان كونسۋلدىعى جاقىن ارادا ەلشىلىك بولىپ كەرەگەسىن كەڭەيتكەلى جاتىر. بيلىكتىڭ بۇلايشا داعدارىس كەزىندە ارتىق شىعىن جۇمساپ، اسىعىس اۋرەگە تۇسكەنىنە قاراعاندا، جوعارعى جاقتاعى ءبىر دوكەيگە «سروچنو» جانعا جايلى قىزمەت ورنى قاجەت بولىپ قالعان سياقتى.

كىمگە دەيسىز عوي... پرەزيدەنتپەن بىرگە جاساسىپ كەلە جاتقان، جەلتوقسان قاھارمانى نۇرتاي ابىقاەۆ دەيتىن سەنىمدى «سەرىي كاردينالدىڭ» تۋعان ۇلى سەرگەي نۇرتاەۆقا. وردا بۇزار وتىزعا شىققان شاعىندا جاۋاپكەرشىلىگى جوعارى لاۋازىمدى قىزمەتتى ۇرشىقشا ءيىرىپ اكەتۋگە ءازىر وتىرعان مايور بۇعان دەيىن كەڭەس وداعىنىڭ كگب-سى مەن ءوزىمىزدىڭ كنب-دا جۇمىس جاساپتى. جالپاق جۇرت بۇل جىگىتتى ۇلان-اسار توي جاساعىش دارحان دا، داراقى مىنەزىمەن جاقسى تانيدى. ءوزىنىڭ ۇيلەنۋ تويىن مەملەكەت اقشاسىنا استا-توك ەتىپ تويلاعان سەرگەيگە كەزىندە نازارباەۆتىڭ قاتتى رەنجىپ، ءتىپتى، قىزمەتىنەن قۋىپ جىبەرۋگە دەيىن بارعانىن بىلەمىز. جىلاپ-سىقتاپ كەلگەن اكەسىنىڭ اپپاق ساقالى بولماعاندا... تويشىل ديپلوماتتىڭ الداعى تاعدىرى بەلگىسىزدەۋ ەدى. ەندى، مىنە... افينىعا قازاقستاننىڭ توتەنشە جانە وكىلەتتى ەلشىسى رەتىندە اتتانباقشى. اللا الدىنان جارىلقاسىن، ارينە.

ەۋروپاداعى ەجەلگى ەل - گرەتسياداعى قازاقستان كونسۋلدىعى جاقىن ارادا ەلشىلىك بولىپ كەرەگەسىن كەڭەيتكەلى جاتىر. بيلىكتىڭ بۇلايشا داعدارىس كەزىندە ارتىق شىعىن جۇمساپ، اسىعىس اۋرەگە تۇسكەنىنە قاراعاندا، جوعارعى جاقتاعى ءبىر دوكەيگە «سروچنو» جانعا جايلى قىزمەت ورنى قاجەت بولىپ قالعان سياقتى.

كىمگە دەيسىز عوي... پرەزيدەنتپەن بىرگە جاساسىپ كەلە جاتقان، جەلتوقسان قاھارمانى نۇرتاي ابىقاەۆ دەيتىن سەنىمدى «سەرىي كاردينالدىڭ» تۋعان ۇلى سەرگەي نۇرتاەۆقا. وردا بۇزار وتىزعا شىققان شاعىندا جاۋاپكەرشىلىگى جوعارى لاۋازىمدى قىزمەتتى ۇرشىقشا ءيىرىپ اكەتۋگە ءازىر وتىرعان مايور بۇعان دەيىن كەڭەس وداعىنىڭ كگب-سى مەن ءوزىمىزدىڭ كنب-دا جۇمىس جاساپتى. جالپاق جۇرت بۇل جىگىتتى ۇلان-اسار توي جاساعىش دارحان دا، داراقى مىنەزىمەن جاقسى تانيدى. ءوزىنىڭ ۇيلەنۋ تويىن مەملەكەت اقشاسىنا استا-توك ەتىپ تويلاعان سەرگەيگە كەزىندە نازارباەۆتىڭ قاتتى رەنجىپ، ءتىپتى، قىزمەتىنەن قۋىپ جىبەرۋگە دەيىن بارعانىن بىلەمىز. جىلاپ-سىقتاپ كەلگەن اكەسىنىڭ اپپاق ساقالى بولماعاندا... تويشىل ديپلوماتتىڭ الداعى تاعدىرى بەلگىسىزدەۋ ەدى. ەندى، مىنە... افينىعا قازاقستاننىڭ توتەنشە جانە وكىلەتتى ەلشىسى رەتىندە اتتانباقشى. اللا الدىنان جارىلقاسىن، ارينە.

جابايى تابيعاتتىڭ اياسىنداعى جان-جانۋارلاردىڭ ءوزى جانىنداعى جۇپتارىن ۋاقىتى جەتكەندە قان تازارتۋ ءۇشىن قۋىپ جىبەرەدى دەسەك، بىزدەگى بيلىكتىڭ كادر ساياساتىندا وندايدىڭ جۇرناعى دا بايقالمايدى. باياعى الماستىرۋعا ىڭعايلى ازباس-توزباس شەنەۋنىكتەر، قاشان كورسەڭ ءبىر-بىرىمەن ورىنتاقتارىن ايىرباستايدى دا جاتادى، ايىرباستايدى دا جاتادى. ولاردىڭ قاتارى ەندى بۇگىن سەرگەي سەكىلدى ەكىنشى تولقىنمەن تولىعىپ جاتقانىنا قاراعاندا ءبىز ءبىراز ۋاقىتقا دەيىن مويىنداماي كەلگەن قارجى داعدارىسى كادر داعدارىسىنا ۇلاسقان-اۋ، دەيمىن. بولماسا، ەلشى بولاتىنداي الاتاۋدىڭ ەتەگىندە دۇنيەگە كەلگەن ءبىر پەندە تابىلمادى دەيسىز بە؟

«قازاقستان» گازەتى. 08.07.09