ۇلتتىق حالىق ساناعىن وتكىزۋگە قانداي نەگىزدەمە سەبەپ بولدى؟

حالىق ساناعى بۇۇ باس اسسامبلەياسى جاريالاعان 2020 جىلعى حالىق ساناعى مەن تۇرعىن ءۇي قورىنىڭ دۇنيەجۇزىلىك راۋندى اياسىندا وتكىزىلەدى. 2021 جىلى حالىق ساناعىن وتكىزۋ الەمنىڭ 61 ەلىندە جوسپارلانعان.

بىشكەك قالاسىندا 2016 جىلعى 16 قىركۇيەكتە تمد مەملەكەتتەرى باسشىلارىنىڭ كەڭەسى 2020 جىلدارعا بارىنشا جاقىن مەرزىمدەردە تمد قاتىسۋشى مەملەكەتتەردە كەزەكتى حالىق ساناعىن وتكىزۋ تۋرالى شەشىم قابىلدادى.

حالىق ساناعى نە ءۇشىن كەرەك؟

الداعى حالىق ساناعىنىڭ قۇندىلىعى ونىڭ قازاقستان رەسپۋبليكاسىنىڭ حالقى بويىنشا دەموگرافيالىق احۋالدى ءبىلىپ قانا قويماي، الەۋمەتتىك سالانىڭ كوپتەگەن اسپەكتىلەرى بويىنشا احۋالدى بولجاۋعا مۇمكىندىك بەرەدى. حالىق ساناعىنىڭ ەل ءۇشىن ايرىقشا ماڭىزدىلىعى، ەڭ الدىمەن، جالپىعا بىردەي قامتۋ مەن اۋقىمدى باعدارلامانىڭ ارقاسىندا – تۇتاستاي عانا ەمەس، ونىڭ ءاربىر اكىمشىلىك-اۋماقتىق بىرلىگىنىڭ حالقى تۋرالى ءارتۇرلى اقپاراتتىڭ بالاماسىز كوزى بولىپ تابىلاتىندىعىمەن ايقىندالادى. حالىق ساناعى ەلدىڭ ۇلتتىق ستاتيستيكالىق جۇيەسىنىڭ قۇرامداس جانە اجىراماس بولىگى، حالىق جانە ونىڭ تۇرعىن ءۇي جاعدايلارى تۋرالى دەرەكتەردىڭ نەگىزگى كوزى بولىپ تابىلادى.

حالىق ساناعىنىڭ قورىتىندىلارى ەلدە ساناق ارالىق كەزەڭدە بولعان ەكونوميكالىق، دەموگرافيالىق جانە الەۋمەتتىك وزگەرىستەردى كورسەتەدى. حالىق ساناعى بارىسىندا الىنعان ستاتيستيكالىق دەرەكتەر بارلىق دەڭگەيدەگى بيۋدجەتتەردىڭ بارىنشا وبەكتيۆتى قالىپتاسۋىنا نەگىز بولادى.

ەكونوميكا مەن بيۋدجەتتىك باعدارلامالاردى جوسپارلاۋ جانە دامىتۋ ءۇشىن قۇرىلىس پەن تۇرعىن ءۇيدى ءبولۋ، دەموگرافيالىق جانە كوشى-قون پروتسەستەرى، ءبىلىم، دەنساۋلىق ساقتاۋ، الەۋمەتتىك سالا جانە جۇمىس ورىندارىن قۇرۋ بويىنشا باعدارلامالاردى دامىتۋعا جاردەمدەسەتىن حالىق ساناعىنىڭ اقپاراتتىق دەرەكتەرى قاجەت. حالىق ساناعى جۇمىس ورىندارى، ەڭبەك رەسۋرستارى تۋرالى تولىق كورىنىستى، ال بيزنەس ءۇشىن تۇپكىلىكتى تۇتىنۋشى تۋرالى ماڭىزدى ءارى ناقتى كورىنىستى بەرەدى. ۇلتتىق حالىق ساناعىنا قاتىساتىن ءاربىر ازامات مەملەكەتتىك الەۋمەتتىك باعدارلامالاردى جوسپارلاۋ جانە ازىرلەۋگە اۋقىمدى جانە قۇندى ۇلەسىن قوسادى.

Abai.kz