بۇقارالىق اقپارات قۇرالدارىنىڭ وكىلدەرىنە
قازاقستان رەسپۋبليكاسىنىڭ پرەزيدەنتى
نۇرسۇلتان ءابىشۇلى نازارباەۆقا،
«نۇر وتان»
حالىقتىق-دەموكراتيالىق پارتياسىنا،
قازاقستان رەسپۋبليكاسىنىڭ ازاماتشاسى
قاساباەۆا ايناكۋل مۇراتجانقىزىنان،
مەكەن-جايىم:
الماتى وبلىسى، قاراساي باتىر اۋدانى،
شامالعان اۋىلى، يۋجنىي كوشەسى، 375 ءۇي
بۇقارالىق اقپارات قۇرالدارىنىڭ وكىلدەرىنە
قازاقستان رەسپۋبليكاسىنىڭ پرەزيدەنتى
نۇرسۇلتان ءابىشۇلى نازارباەۆقا،
«نۇر وتان»
حالىقتىق-دەموكراتيالىق پارتياسىنا،
قازاقستان رەسپۋبليكاسىنىڭ ازاماتشاسى
قاساباەۆا ايناكۋل مۇراتجانقىزىنان،
مەكەن-جايىم:
الماتى وبلىسى، قاراساي باتىر اۋدانى،
شامالعان اۋىلى، يۋجنىي كوشەسى، 375 ءۇي
بۇقارالىق اقپارات قۇرالدارىنىڭ وكىلدەرىنە
مەن، قاساباەۆا ايناكۋل مۇراتجانقىزى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ تۋعان جەرىندەگى تومەندەگىدەي جاعدايلاردى ايتىپ، سول جەردە جەمقورلىق پەن پاراقورلىققا جول بەرىلگەنىن جازىپ، حالىقتان كەشىرىم سۇراعاندى ءجون كورىپ وتىرمىن. سونداي-اق، ءوز قاتەلىكتەرىمدى مويىنداپ، تەك قانا شىندىقتى جازىپ، بولعان ءىستى بايانداعالى وتىرمىن.
«ايران ىشكەن قۇتىلادى،
ءتۇبىن جالاعان تۇتىلادى»
دەگەن ماقالدىڭ كەرىنە تاپ بولدىم...
1997-جىلى مەن م. اۋەزوۆ اتىنداعى ورتا مەكتەپتە مۇعالىم بولىپ ىستەدىم. بۇرىنان ىستەيتىن ۇستازدارعا پايعا بولىنگەن ءتىزىم بويىنشا جەر الۋعا 6-شى بولىپ كەزەككە تىركەلدىم. سول جەرلەر ارقايسىمىزعا ەڭبەك وتىلىمىنە قاراي 0,36 گا نەمەسە 0,24 گا، كەزىندە سۋعارمالى شابىندىقتان بولىنگەن جەرلەر ەدى. ول جەرگە جەكە تۇرعىن ءۇي سالۋ ماقساتىندا اكت جاسالىنىپ، بەكىتىلگەن. وندا بىلاي دەپ كورسەتىلگەن: «شامالعان اۋىلدىق اۋماعى اكىمىنىڭ 1997-ءشى جىلعى 29-شى تامىزىنداعى №131 شەشىمى بويىنشا №0012771 جەر تەلىمىنە مەنشىك قۇقىعىن تۇراقتى جەر پايدالانۋ قۇقىعىن بەرەتىن اكت بويىنشا قاراساي باتىر اتىنداعى مەكتەپتىڭ ۇجىمىنا قوسالقى شارۋاشىلىعىنا بەرىلگەن 8,63 گا جەرى №0012770 اكت بويىنشا م.اۋەزوۆ اتىنداعى ورتا مەكتەپتىڭ ۇجىمىنا 8,74 گا بويىنشا بولىنەتىن تۇراقتى جەر تەلىمىن تۇرعىن ءۇي سالۋ تەلىمدەرىنە اينالدىرىپ، 1997-ءشى جىلعى جاسالىنعان زاڭدى ءتىزىم بويىنشا بەرىلۋ كەرەكتىگى جايىندا زاڭداستىرىلعان».
وسى كەزدە، «اكىمشىلىكتەن بىزدەرگە تيىسەلى جەرلەردى 0,08 نەمەسە 0,10 گا سەۆەرنايا كوشەسىنەن بەرگەن جەرلەردى ۇستازدار پايىنا جارتىلاي بەرىپ، قالادان كەلگەن سىرتتاعى بوتەن، ءبىزدىڭ تىزىمدە بولماعان ادامدارعا قوماقتى اقشاعا ساتىپ جاتىر» دەپ ەل-جۇرت ايتىپ ءجۇردى. بىزگە تيىسەلى جەرلەردى دەر كەزىندە بەرمەي، ءار ءتۇرلى سىلتاۋلارمەن سوزبالاي بەرگەن سوڭ، جەر الا الماي قالامىز با دەگەن ويلار بولىپ، تىزىمدە تۇرعان جۇرت الاڭداپ ءجۇردى. وسى ويلارمەن جۇرگەنىمدە شامالعان اۋىلى اكىمىنىڭ باس مامانى ق.يسمايلوۆا «جۇمىسىڭدى ءبىتىرىپ بەرەمىن» دەپ، مەنەن 1000 اقش دوللارىن سۇرادى. ءتيىستى قۇجاتتاردى جاساۋ ءۇشىن وسىنداي اقشا كەتەدى دەپ، مەنى 1000 اقش دوللارىن بەرۋگە ماجبۇرلەدى. سونداي-اق، «سەن مۇعالىمسىڭ كوپ ادامدارمەن ارالاساسىڭ، ايتا ءجۇر، جەر الامىن دەۋشىلەر بولسا، ايت» دەدى. مەن وسى جايىندا ءوز قۇربىلارىم مەن تانىستارىما ءسوز اراسىندا ايتقان ەدىم. اققوڭىل باسىم، باسقالار دا مەن سياقتى جەر السىن دەگەن ماقساتپەن ايتقانىمدا، 2007-جىلدىڭ مامىر ايىندا مانكاراەۆ ك.ب.، كاتاباەۆ ت.ا.، نۋپتەكەەۆ د.ر. جانە ورازاليەۆ ب.ك. ەستىپ، جەر الۋ ماقساتىندا ارقايسىسى 18000 اقش دوللارىن مەن ارقىلى شامالعان اۋىلى اكىمنىڭ باس مامانى ق.يسمايلوۆاعا 72 000 اقش دوللار بەرەدى. سودان ول ازاماتتارعا 2007-جىلدىڭ 15-قازانىندا شامالعان اۋىلى اكىمنىڭ №10-161 شەشىمىمەن جەر تەلىمدەرى بەرىلەدى. ول كەزدە ولار ارقايسىسىنىڭ جەرلەرىن 18000 اقش دوللارىنا باعالادى. ولار 2 ايدان كەيىن كەتكەن اكىمگە قول قويعىزىپ، اۋىل اكىمى ا.شىمشىقوۆ ءمور باسىپ، باس مامان ق.يسمايلوۆا 52 ادامنىڭ قولىنا شەشىمدەرىن تاراتادى. مەن ول جەرلەردى زاڭدى تۇردە ساتىلعان شىعار دەپ ويلادىم. ال مەنىڭ تانىستارىمنىڭ اراسىندا سۇراعان اقشالارىن بەرىپ، جەر الا الماي جۇرگەندەر بار. ولار ج.ايداروۆ - 5000 اقش دوللارىن، د.گاينانوۆا - 10000 اقش دوللارىن، ب.ميزانوۆا - 10000 اقش دوللارىن، ب.قاليبەكوۆا - 5000 اقش دوللارىن، ا.قاساباەۆا - 1000 اقش دوللارىن، ا.بايمۇراتوۆ - 5000 اقش دوللارىن، م.زاريپباەۆ - 5000 اقش دوللارىن جانە س.ميزانوۆ - 4000 اقش دوللارىن، ج.دانياروۆ - 5000 اقش دوللارىن، ا.ۋسمانوۆ - 1000 اقش دوللارىن، ە.قاساباەۆا - 5000 اقش دوللارىن، ب.بەيىسباەۆا - 40000 اقش دوللارىن بەردى. وسى اقشالاردى مەن ارقىلى 2006-2007-شى جىلدار اراسىندا شامالعان اۋىلدىق اكىمدىگىنىڭ باس مامانى ق.يسمايلوۆا الدى.
بەرگەن اقشالارىمىزدى الا الماي مىسىمىز قۇرىعان سوڭ، 2009-جىلدىڭ 27-اقپانىندا مەن وسى جاعدايلاردى «قاراساي اۋدانى، الماتى وبلىسى قارجى پوليتسياسىنىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتتىنىڭ توراعاسى ا.ب.كاريموۆقا شامالعان اۋىلدىق اكىمدىگىنىڭ باس مامانى ق.يسمايلوۆانىڭ ۇستىنەن قىزمەت بابىن جەكە باس پايداسى ءۇشىن پايدالانعانى، ادامداردى الداپ، اداستىرۋ جولىندا جاساعان الاياقتىق ءىس ارەكەتتەرى ءۇشىن قىلمىستىق ءىس قوزعاۋىن وتىنگەن» ارىز جازدىم. الايدا، 2009-جىلدىڭ 11-ءشى مامىرىندا قىلمىستىق ءىس قوزعاۋدان باس تارتىلعاندىعى تۋرالى جاۋاپ حات الدىق.
ءبىز شامالعان اۋىلدىق اكىمدىگىنىڭ باس مامانى ق.يسمايلوۆاعا جولىققانىمىزدا، «مەن سەندەردەن اقشا العانىم جايىندا قولحات بەردىم بە، مەن سەندەردىڭ وزدەرىڭدى ماعان پارا بەرگەن دەپ، كوزدەرىڭدى قۇرتامىن» دەگەن سوڭ، ءبىز اۋىل اكىمى ا.ج. شىمشىقوۆقا جولىعىپ، شامالعان اۋىلى اكىمىنىڭ باس مامانى ق.يسمايلوۆانىڭ كۇيەۋى سەرىكتىڭ وزىمىزگە قايتارىپ بەرگەن اقشاسى جايىندا جازىلعان قولحاتىن كورسەتىپ، قاراماعىنداعى ق.يسمايلوۆانىڭ العان اقشالارىن وزىمىزگە تۇگەلدەي قايتارۋىن تالاپ ەتتىك. ول كىسى «شۋلاتپاي قويا تۇرىڭدار، مەن قارلىعاشپەن ءوزىم سويلەسەمىن، رەتتەپ بەرەدى»، - دەدى. اكىمنىڭ سوزىنە سەنىپ، اكىم ايتقانىندا تۇرار دەدىك. سويتسەك، ولار اۋىز جالاسىپ، ءبىزدىڭ باسىمىزعا قارا بۇلت توندىرگەن قىزمەتكەرىنىڭ زاڭعا قايشى ءىس ارەكەتتەرىن جاسىرىپ، وزىمىزگە قارسى شىقتى.
دامىعان ەلۋ مەملەكەتتىڭ قاتارىنا قوسىلامىز با دەپ جۇرگەندە، مىناداي باسسىزدىققا جول بەرىلگەنى جانعا باتادى. قوعامدا تامىرىن تەرەڭگە جايعان جايتتاردىڭ شىندىعىن جاسىرماي ايتۋدى ءوزىمنىڭ ازاماتتىق پارىزىم دەپ بىلەمىن. وسى شىندىقتى اياعىنا دەيىن شىعارۋعا باسىمدى تىككەن جانمىن، ەل الدىندا اقتالىپ شىعۋدى ماقسات تۇتىپ، قانداي جازا بولسا دا الۋعا دايىنمىن. وسى جەمقورلاردىڭ شىرمالعان تورىنا ءتۇسىپ، ازاپ پەن مازاقتىڭ توزاعىندا تۇنشىققان كەزدەرىم ءۇشىن وكىنەمىن.
وسى شىرىلداعان جابىرلەنۋشى ازاماتتار قازىرگى ۋاقىتتا مەنى 1-جىلعا باس بوستاندىعىمنان ايىرىپ، اكە-شەشەم سالىپ بەرگەن ءۇيىمدى سوت شەشىمىمەن ب.بەيىسباەۆا 40000 اقش دوللارىن قايتارۋ ماقساتىندا الايىن دەپ جاتىر. مەنىڭ جانىما باتاتىنى بۇل ەمەس، ماعان سەنىم ارتقان ازاماتتاردىڭ اماناتىن اياعىنا دەيىن جەتكىزۋ، ياعني جەر تەلىمىن الىپ بەرۋ نەمەسە اقشالارىن قايتارتۋ.
وسى جاعدايلاردى تەكسەرۋدى قۇزىرلى زاڭ مەكەمەلەرىنە تاپسىرىپ، ءوز باقىلاۋلارىڭىزعا الۋدى وتىنەمىن.
وزدەرىڭىزگە دەگەن زور سەنىممەن،
قاساباەۆا ايناكۋل مۇراتجانقىزى
رەداكتسيادان:
باسىلىمىمىزدىڭ ەلەكتروندى پوشتاسىنا كەلىپ تۇسكەن وسىناۋ ءۇشبۋ حاتتى - ايناكۇلدىڭ جانايقايىن جاريالاۋدى ءجون دەپ تاپتىق. جانە ءجاي عانا جاريالاپ قويماي، ماسەلەنىڭ اق-قاراسىن انىقتاۋعا اتسالىسۋعا بەكىندىك. سوندىقتاندا بۇگىن «بۇقارالىق اقپارات قۇرالدارى» تۋرالى زاڭعا سۇيەنە وتىرىپ، الماتى وبلىسى قارجى پوليتسياسىنىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ توراعاسى ا.ب.كاريموۆ مىرزادان قارلىعاش يسمايلوۆانىڭ ۇستىنەن قىلمىستىق ءىس قوزعاۋدان نەگە باس تارتىلعانى تۋرالى تۇشىمدى جاۋاپ كۇتەمىز.
سول سياقتى اتالعان ماسەلەنى پرەزيدەنت اكىمشىلىگى مەن «نۇر وتان» حالىقتىق-دەموكراتيالىق پارتياسى ءوز باقىلاۋىنا الادى دەگەن ۇمىتتەمىز.
«قازاقستان» اپتالىعى. 08. 07. 09
