تىركەلمەگەن "ەل تىرەگى" پارتياسى ەلىمىزدىڭ قورعانىس سالاسىنا قاتىستى مالىمدەمە جاسادى. ولار ەلىمىزدىڭ قورعانىس پوتەنتسيالى السىرەۋدە دەگەن ويدا جانە دەرەۋ ارادا دوكترينانى قايتا قاراۋعا شاقىرادى. نازارلارىڭىزعا مالىمدەمەنى ۇسىنامىز.

ساياسي «ەل تىرەگى» پارتياسىنىڭ مالىمدەمەسى
18.08.2021

قازاقستان قورعانىس قابىلەتىن جوعالتۋدا!
قازاقستان شەكاراسىنا تونەر قاۋىپ كۇننەن كۇنگە كۇشەيىپ كەلەدى. ەگەر ەلىمىزگە تۇتقيىلدان شابۋىل جاسايتىن بولسا وعان توتەپ بەرەر اسكەري قۋاتىمىز تومەن، ءالسىز. اسكەري تەحنيكامىز وتالسا جۇرمەيتىن، جۇرسە قوزعالمايتىن، كونەنىڭ كوزى بولعالى قاي زامان. ال ەلىمىزگە قاۋىپ تونەر بولسا حالىقتى قالاي قورعاماقپىز؟ ەل قورعانىسى تۋرالى «ەل تىرەگى»پارتياسىنىڭ مالىمدەمەسى.
قازاقستان - ەڭ ۇزىن شەكاراسى بار جانە الەمدەگى حالىق تىعىزدىعى ەڭ تومەن مەملەكەت.

Global Firepower Index of Military Power Index (GFP) 2020 سايكەس، قازاقستان 63 -ءشى ورىندا، ال ءبىزدىڭ ايماقتىق كورشىمىز وزبەكستان 52 -ءشى ورىندا، ياعني ءبىزدىڭ ەلدەن 10 بالل جوعارى. ستوكگولم حالىقارالىق بەيبىتشىلىكتى زەرتتەۋ ينستيتۋتىنىڭ (SIPRI) مالىمەتتەرى بويىنشا، قازاقستان 2019-2020 جىلدارى قورعانىس شىعىندارىن ورتاشا ەسەپپەن 10%-عا قىسقارتقان.

ال مۇنىڭ ءبارى اۋعانستان وتقا ورانىپ جاتقاندا، قاراباق ءالى دە سوعىس قيمىلدارىنىڭ زارداپتارىنان ءدۇر سىلكىنۋدە. سولتۇستىكتىڭ قاۋىپى ءتونىپ تقرعان كەزدە ءار ءتۇرلى ساياساتكەرلەردىڭ ەتنيكالىق ارازدىق پەن اۋماقتىق تالاپتارىن قوزدىراتىن، ۇنەمى قىسىم مەن اقپاراتتىق شابۋىلدارى توقتامايدى. شىعىستاعى كورشىمىزدىڭ دە كۇشى مەن قىسىمى ارتىپ، ساناسپاسقا كەلمەيتىن بولدى.

وسى كەزدە قورعانىس مينيسترلىگىندە وتكەن اپپاراتتىق كەڭەستە تەك «قىراعىلىقتى ارتتىرۋ» تۋرالى شەشىم قابىلداندى!
بۇل نونسەنس، ءمانسىز! بۇگىندە بۇكىل قورعانىس ونەركاسىبى شاتقاياقتاپ، قورعانىس كاسىپورىندارى دامۋدان كەندە قالىپ قانا قويماي، سونىمەن قاتار تاپسىرىسسىز قالۋدا. ءبىزدىڭ وتاندىق ورالداعى «زەنيت» زاۋىتى كەلىسىمشارتسىز قالۋدا، ال كوپ ماقساتتى اسكەري كەمەنىڭ قۇرىلىسى رەسەيلىك مەردىگەرگە سەنىپ تاپسىرىلدى. بۇل قالاي بولۋى مۇمكىن؟!
«توچكا ۋ» تاكتيكالىق زىمىراندارىن شىعارعان PZTM زاۋىتى بۇگىن بانكروت!
«قازاقستان Paramount Engineering» وزىق تەحنولوگياسى بار سۋ جاڭا زاۋىتقا تاپسىرىس جوق!

«قازاقستان ينجينيرينگ» قورعانىس كاسىپورىندارىنىڭ مەملەكەتتىك حولدينگى - بانكروت!

بۇگىندە قىسقارتىلىپ جاتقان قورعانىس بيۋدجەتىنىڭ نەگىزگى بولىگى رەسەيگە شىعىندالۋدا. قورعانىس ءمينيسترى قورعانىس كاسىپورىندارىن جابۋدى جانە ازاماتتىق وندىرىسكە قايتا باعدارلاۋدى تالاپ ەتىپ وتىر. قوس ماقساتتى ءونىم شىعاراتىن مەملەكەتتىك كاسىپورىنداردى باقىلاۋسىز جەكەشەلەندىرۋ باستالدى.

«قازاقستان ينجينيرينگ» مەملەكەتتىك قورعانىس حولدينگى نەگىزىنەن بانكروت بولعانى بىلاي تۇرسىن قارىزعا باتۋدا. ۇلتتىق حولدينگتىڭ 30 ميلليارد تەڭگە قارىزعا قايدان باتۋدا؟ بۇل جاعدايعا كىم كىنالى؟ نەلىكتەن قازاقستان قورعانىس قابىلەتىن تومەندەتۋ ارقىلى ءوز باسشىلىعىنىڭ قاتەلىكتەرى ءۇشىن تولەۋى كەرەك؟!

اسكەرلەر ۇنەمى سىبايلاس جەمقورلىق جانجالدارىمەن ءدۇر سىلكىنەدى. بارلىق دەرلىك گەنەرالدىق لاۋازىمدار مەن قورعانىس ءمينيسترىنىڭ جەكە ادۆوكاتتارى سىبايلاس جەمقورلىق بويىنشا سوتتالدى.
سوعان قاراماستان، قورعانىس ءمينيسترى قورعانىس بيۋدجەتىن تاعى دا قىسقارتامىن دەپ ماقتانۋدا.
ارميادا ەشقانداي رەفورما جوق، كەڭەستىك كەزەڭنىڭ قالدىعى عانا! قورعانىس ونەركاسىبىن دامىتۋدىڭ جوسپارى جوق!
ءبىز قازىرگى حالىقارالىق سىن -قاتەرلەر مەن ءبىزدىڭ ەلگە تونەتىن قاۋىپكە قالاي جاۋاپ بەرمەكپىز؟!

بۇگىندە شەتەلدىكتەردىڭ ءبارىنىڭ نەگىزگى لوببيستەرى جانە وتاندىقتاردىڭ ءبارىنىڭ جاۋلارى - قورعانىس ءمينيسترى مەن يندۋستريا جانە ينفراقۇرىلىمدىق دامۋ ءمينيسترى!

مۇنداي مينيسترلەرمەن ءبىز قورعانىسىمىزدان ايىرىلىپ قانا قويماي، تاۋەلسىزدىگىمىزدەن دە ايىرىلىپ قالۋىمىز مۇمكىن!

«ەل تىرەگى» پارتياسى ءبىزدىڭ ەلدىڭ بيلىگىنەن وتاندىق قورعانىس ونەركاسىبى مەن قازاقستان رەسپۋبليكاسىنىڭ قارۋلى كۇشتەرىن جەدەل قولداۋدى تالاپ ەتەدى!
El Tiregi پارتياسى قازاقستان رەسپۋبليكاسىنىڭ اسكەري دوكتريناسىن قايتا قاراۋعا شاقىرادى. ونى اسكەريلەر ەمەس، ساراپشىلار مەن وسى سالانىڭ ماماندارى، قاۋىپسىزدىك كەڭەسى مەن ەلدىڭ پاتريوتتىق كۇشتەرىنىڭ وكىلەتتى وكىلدەرى جازۋى كەرەك!

Abai.kz