شىجاڭ-ۇيعىر اۆتونوميالى اۋدانىداعى ءۇرىمجى قالاسىندا بولىپ جاتقان جەرگىلىكتى ۇيعىرلار مەن قىتاي ازاماتتارىنىڭ اراسىنداعى قاندى قاقتىعىستا قازا تاپقان قانداستارىن ازا تۇتىپ ءبىزدىڭ ەلدەگى ۇيعىر ۇلتىنىڭ وكىلدەرى مەن جالپى مۇسىلماني جاماعات جۇما كۇنگى نامازدان كەيىن الماتىداعى قالقامان ىقشاماۋدانىندا ورنالاسقان زيرات باسىنا جينالدى. قارالى جيىنعا كەلگەن ادامدار قاراسى ايتارلىقتاي كوپ. بىردەن ايتا كەتۋىمىز كەرەك، باقيلىق بولعان باۋىرلارىنا الاقان جايىپ، دۇعا تىلەۋگە نيەت قىلعان جانداردىڭ بارىنە قۇدايى استى ۇيىمداستىرۋشى ازاماتتار اشۋعا بوي الدىرماي، سابىر ساقتاۋدى الدىن الا ەسكەرتىپ قويدى.

شىجاڭ-ۇيعىر اۆتونوميالى اۋدانىداعى ءۇرىمجى قالاسىندا بولىپ جاتقان جەرگىلىكتى ۇيعىرلار مەن قىتاي ازاماتتارىنىڭ اراسىنداعى قاندى قاقتىعىستا قازا تاپقان قانداستارىن ازا تۇتىپ ءبىزدىڭ ەلدەگى ۇيعىر ۇلتىنىڭ وكىلدەرى مەن جالپى مۇسىلماني جاماعات جۇما كۇنگى نامازدان كەيىن الماتىداعى قالقامان ىقشاماۋدانىندا ورنالاسقان زيرات باسىنا جينالدى. قارالى جيىنعا كەلگەن ادامدار قاراسى ايتارلىقتاي كوپ. بىردەن ايتا كەتۋىمىز كەرەك، باقيلىق بولعان باۋىرلارىنا الاقان جايىپ، دۇعا تىلەۋگە نيەت قىلعان جانداردىڭ بارىنە قۇدايى استى ۇيىمداستىرۋشى ازاماتتار اشۋعا بوي الدىرماي، سابىر ساقتاۋدى الدىن الا ەسكەرتىپ قويدى.

جينالعان جۇرتشىلىققا ارنالىپ مال سويىلىپ، كەڭ-مولىمەن داستارحان جايىلىپتى. ارنايى ازىرلەنگەن قارا-كوك لەنتالار زيرات باسىنا كەلگەن بۇقارا قاۋىمعا تەگىس تاراتىلدى. ءتىپتى، ۇيعىر دياسپورالارىن ايتپاعاندا، قىزمەت بابىمەن جۇرگەن جۋرناليستەر دە، تىڭ-تىڭداعان ارناۋلى قىزمەتتىڭ ادامدارى دا الگى لەنتادان «اۋىز ءتيدى». وتىرىس ەڭ الدىمەن قايعىلى قازاعا ۇشىراعاندارعا قۇران ساۋابىن باعىشتاۋدان باستالدى. بۇدان كەيىن تالايدى اجال قۇشتىرعان قاندى وقيعاعا بايلانىستى حالىققا بەلگىلى ازاماتتار ءسوز سويلەدى. ءوز كەزەگىندە قوعام قايراتكەرى حاسەن قوجا-احمەت: «بۇل وتە ۇلكەن اۋىر جاعداي. مۇنداي كەزدە ۇيعىر باۋىرلارىمىزعا قولدان كەلگەنشە دەمەۋ بولىپ، جاردەمدەسۋىمىز كەرەك. اشۋعا جەڭدىرىپ، اتقا قونۋدىڭ قاجەتى جوق. بارلىعىن بەيبىت جولمەن شەشكەن ءجون», - دەپ ءتۇسىندىردى. سونىمەن قاتار، باسقا دا بىرقاتار ەلگە تانىمال تۇلعالار ءوز ويلارىن ورتاعا سالىپ،   قايعىلى قازانىڭ اۋىرتپاشىلىعىن بىرلەسە كوتەرۋگە ءازىر ەكەندىكتەرىن ءبىلدىردى. جينالعاندار اراسىندا جاسارال قۋانىشالى، ايسۇلۋ قادىرباەۆا سىندى بەلگىلى قايراتكەرلەر دە ءجۇردى. بۇعان قوسا، جەرگىلىكتى اكىمشىلىك ورىندارى، پارلامەنتتەگى اسسامبلەيادان سايلانعان دەپۋتات مىرزالار، جانە باسقا دا بيلىك وكىلدەرى اتالعان جيىندى قولدايتىندىقتارىن ايتقان. باستاماشى توپتىڭ مالىمدەۋىنشە، ۇيعىرلاردىڭ ىشىندە قىرىق كۇنگە دەيىن ويىن-ساۋىق، توي-تومالاق دەگەن مۇلدەم بولماۋى ءتيىس. بىلايشا ايتقاندا، قىرىق كۇن قارالى دەپ سانالادى. جۇرتتىڭ سوزىنە سەنسەك، مۇنداي جيىن الداعى اپتانىڭ العاشقى كۇنىندە تاعى دا بولاتىن كورىنەدى.

«اباي-ينفورم».