اۋعانستانداعى قانداستاردى ەلىمىزگە كوشىرۋ ماقساتىندا كابۋل قالاسىنداعى قر ەلشىلىگىندە ارنايى كوميسسيا قۇرىلدى. بۇل تۋرالى «وتانداستار قورى» مالىمدەدى.

اتالعان كوميسسيا قانداستارىمىزدى قابىلداپ، قۇجاتىن راسىمدەۋ بويىنشا جۇمىستاردى باستاپ كەتكەن.

بۇعان دەيىن قوعامنىڭ وڭىرلەردەگى فرونت-كەڭسەلەرىنەن جينالعان اۋعانداعى قانداستار ءتىزىمى قر سىرتقى ىستەر مينيسترلىگىنە شۇعىل تۇردە جولدانعان بولاتىن.

قازىرگى تاڭدا ەلشىلىكتە تۇرعان قانداستارىمىز قازاقستان رەسپۋبليكاسى پرەزيدەنتىنە، سىرتقى ىستەر مينيسترلىگىنە جانە اۋعانىستانداعى ەلشىلىك قىزمەتكەرلەرىنە دەر كەزىندە كورسەتىلىپ جاتقان ديپلوماتيالىق جۇمىستار ءۇشىن ءوز العىستارىن جەتكىزۋدە.

Abai.kz