ءبىر اي بۇرىن پرەزيدەنت قاسىم-جومارت توقاەۆ اقوردادا ايماق باسشىلارىن ونلاين فورماتتا جينا، جيىن وتكىزدى. جيىن سىبايلاس جەمقورلىقپەن كۇرەسۋ بويىنشا الدىن الۋ جۇمىستارىن كۇشەيتۋدى ماقسات ەتكەن بولاتىن.

مەملەكەت باسشىسىنىڭ ايتۋىنشا، وتكەن جىلى ءار ءتۇرلى دەڭگەيدەگى 7 اكىم مەن ولاردىڭ ورىنباسارلارى، سونداي-اق 14 وبلىستىق دەپارتامەنت باسشىلارى مەن ولاردىڭ ورىنباسارلارى قىلمىستىق جاۋاپكەرشىلىككە تارتىلعان. سونىمەن قاتار، 2020 جىلدىڭ قاڭتارىنان 2021 جىلدىڭ ناۋرىزىنا دەيىن باعىنىشتىلارى سىبايلاس جەمقورلىق بويىنشا سوتتالعان 20 ساياسي شەنەۋنىككە قاتىستى شارالار قولدانىلعان. پرەزيدەنت اكىمدەرگە وزدەرىنە سەنىپ تاپسىرىلعان ايماقتاردا سىبايلاس جەمقورلىق تاۋەكەلدەرىن جويۋ بويىنشا جۇيەلى جۇمىس جۇرگىزۋدى تاپسىردى. سىبايلاس جەمقورلىققا قارسى قىزمەت ءوز مىندەتتەرىن ورىنداۋعا اقىلعا قونىمدى تۇردە قاراۋى ءتيىس ەكەنىن دە جەتكىزدى.

«جاڭا ايتقانىمداي ەگەر مەملەكەتتىك قىزمەتشى بيۋدجەت قاراجاتىن ۇرلاۋعا نەمەسە پارا الۋ ارقىلى زاڭسىز بايلىققا قول جەتكىزۋگە نيەتتى ەمەس، شەشىم قابىلداعان كەزدە قاتەلىك جىبەرسە، ول قىلمىستىق جاۋاپكەرشىلىككە تارتىلماۋى كەرەك. ايتپەسە، ءبىز مەملەكەتتىك اپپاراتتى توقتاتىپ تاستايمىز. قىلمىستىق قۋدالاۋ وربيتاسىنا سىبايلاس جەمقورلىق قىلمىستارىن جاساعان شەنەۋنىكتەر تارتىلۋى ءتيىس»،- دەگەن ەدى. جيىندا ءار وبلىس بويىنشا جەكە تاپسىرما بەرىلىپ، جەمقورلىقپەن كۇرەسۋدى كۇشەيتۋ بويىنشا ناقتى ىستەر اتقارىلۋ تيىستىلىگى ايتىلدى. بۇل شارالار ءداپ قازىر ىسكە اسىپ جاتىر. الماتى وبلىسى اتالمىش نەگىزدە الدا كەلەدى دەسەك تە بولادى.

وبلىستا سىبايلاس جەمقورلىققا قاتىستى كۇرەس كۇشەيدى. ءتىپتى جەمقورلىقپەن كۇرەستىڭ ءوز سيمۆولى دا پايدا بولدى. مىسالى الماتى قالاسىندا ۇلكەن مۋرال سالىندى. سۋرەت اۆتورى كريستينا بەكمۋرزاەۆانىڭ ايتۋىنشا، بالانىڭ بەينەسى جاس ۇرپاقتى بەينەلەيدى. ول سونىمەن قاتار قولشاتىردا سىبايلاس جەمقورلىققا قارسى قىزمەتتىڭ لوگوتيپى بەينەلەنگەنىن جانە بۇل كەزدەيسوق ەمەس ەكەنىن، سەبەبى سىبايلاس جەمقورلىقپەن كۇرەس-بولاشاق ءۇشىن كۇرەس ەكەنىن اتاپ ءوتتى.

«مۋرال - بۇل قالالىق كەڭىستىكتەگى سۋرەتشى مەن كورەرمەن اراسىنداعى ديالوگتىڭ تاماشا قۇرالى. بۇل جوبادا جۇمىس جاساي وتىرىپ، ءبىز ءپوزيتيۆتى، جارقىن بەينەنى جاساۋعا تىرىستىق، ول ماعىنانى ساقتاي وتىرىپ، كورەرمەنگە جەڭىل ءارى جاقىن بولىپ قالا بەرەدى. ءبىزدىڭ كوماندا نۇر-سۇلتان مەن الماتىدا ۇقساس ەكى جوبادا جۇمىس جاسادى. ءبىز شىعارمالار سەرياسىن قۇرۋدى جوسپارلادىق جانە بالالار تاقىرىبى جوبا سەرىكتەستەرىنەن جاۋاپ تاپقانىنا قۋانىشتىمىز. سىبايلاس جەمقورلىقپەن كۇرەس سياقتى ماڭىزدى تاقىرىپقا توقتالا وتىرىپ، ءبىز «كوركەم» تىلدە سويلەۋگە جانە سايران اۆتوۆوكزالىنىڭ جانىنداعى جارقىن نۇكتەگە اينالاتىن ءپوزيتيۆتى بەينەنى جاساۋعا تىرىستىق»، - دەدى تۇجىرىمدامانىڭ اۆتورى بەكمۋرزاەۆا.
ارينە، بۇل سۋرەتتى سالۋ دا ماڭىزدى. سەبەبى ءار ادام سىبايلاس جەمقورلىققا دەگەن كوزقاراسىن اتالمىش سۋرەتتى كورگەن ساتتە وزگەرتەدى. جارقىن بالانىڭ بولاشاعى، كۇلكىسى مەن قۋانىشى، باقىتى مەن رياسىز شاتتىعىن پاراقورلىق، جەمقورلىق، حالىق نەسىبەسىن تارتىپ الۋ سىندى قادامدارمەن الماستىرۋعا بولمايتىنىن ۇعىنادى.

وبلىستا مۋرال سالۋ، ۇنپاراقتار تاراتۋ، باننەرلەر ءىلۋ، ستەندتەر دايىنداۋ، ارنايى روليكتەر كورسەتۋ سىندى ءتۇرلى ناسيحات جۇرگىزۋ شارالارىنان بولەك، تىكەلەي شارالار دا ىسكە اسۋدا. ياعني جەمقورلىققا قارسى كۇرەس اگەنتتىك قىزمەتكەرلەرى تاراپىنان ارنايى سەمينارلار مەن كەزدەسۋلەر ءتۇرلى مەكەمەلەردە ءوتىپ جاتىر. پاندەميالىق جاعدايعا بايلانىستى ولاردىڭ باسىم بولىگى ونلاين فورماتتا بولۋدا، الايدا ونىڭ ءبىر ارتىقشىلىعى كوپتەگەن ادامنىڭ قاتىسۋىنا مۇمكىندىك بار. سونىمەن قاتار پاندەميالىق جاعدايلار جاقسارعان سوڭ شارالاردى وفلاين وتكىزۋ دە كوزدەلىپ وتىر. بۇنىڭ بارلىعى حالىقتىڭ ساۋاتتانۋىنا اسەر ەتىپ، سىبايلاس جەمقورلىققا قارسى كوڭىل-كۇيدىڭ تۋىنا اسەر ەتەتىنى انىق.

Abai.kz