ەلىمىزدە ءبىراز ۋاقىتتان بەرى قولعا الىنىپ كەلە جاتقان «تۋعان جەر» اتتى باعدارلاما بار. اتالعان باعدارلامانىڭ ءمانى – تۋعان جەرلەرىن ۇمىتپاي، وعان قولدان كەلگەن كومەگىن كورسەتىپ جۇرگەن كاسىپكەرلەردى، جاستار مەن زيالى قاۋىم وكىلدەرىن قولداۋ بولىپ تابىلادى. بۇعان مەملەكەت تاراپىنان ۇلكەن قولداۋلار بار.

ماسەلەن، الماتى وبلىسى ۇيعىر اۋدانىنىڭ تۇرعىنى يۋلدۋز تۋراەۆا توقىما يۋۇيىمدارىن ءونىدىرىپ، وڭىردەگى كاسىپكەرلىككە ءوز ۇلەسىن قوسۋدا. ال، تەكەلى قالاسىنىڭ تۇرعىنى گۇلدانا ومىرتايقىزى كوفەحانا اشىپ، ەڭبەگىنىڭ جەمىسىن كورىپ وتىر. ەكەۋى دە مەملەكەتتىك “بيزنەس باستاۋ” جوباسى ارقىلى گرانت الىپ، كاسىبىن اشقان جاندار.

بۇگىندە مەملەكەت تاراپىنان جاسالىپ وتىرعان بۇل باعدارلامانىڭ حالىققا بەرەر پايداسى كوپ. ماسەلەن، ءوز كاسىبىن اشقان يۋلدۋز تۋراەۆا وڭىرلىك كاسىپكەرلەر پالاتاسىنان “باستاۋ بيزنەس” جوباسى بويىنشا كاسىپكەرلىك نەگىزدەرىن وقىپ شىققان. ءسويتىپ، “جاس كاسىپكەر” باعدارلاماسى بويىنشا 500 مىڭ تەڭگە گرانتتى جەڭىپ العان. اتالعان قارجىعا تىگىن ماشينالارىن ساتىپ العان ول ءوز تسەحىن اشادى. قازىر بۇل كاسىبىنەن ءوزى عانا ەمەس، وڭىردەگى 7 ادامدى جۇمىسپەن قامتاماسىز ەتىپ وتىر.

ال، تەكەلى قالاسىنان ءوز كاسىبىن اشقان گۇلدانا ومىرتايقىزى دا مەملەكتتىك گرانت ەسەبىنەن كوفەحاناسىن اشقان. ول “بيزنەستىڭ جول كارتاسى 2020-2025” باعدارلاماسى بويىنشا 2 ميلليون تەڭگە گرانت ۇتىپ العان. ءسويتىپ، قوعامدىق تاماقتانۋ ورتالىعىن اشۋعا قاجەت قۇرال-جابدىقتار ساتىپ العان. ول اشقان قالا ورتالىعىنداعى “MELISSA”  كوفەحاناسىندا قازىر وزىنەن بولەك ءۇش ادامدى جۇمىسپەن قامتىپ وتىرعان جاعدايى بار. وندا كوفەدەن بولەك، تاتتىلەر دە پىسىرىلەدى.

وسىلايشا، ءبىز مىسال ەتكەن قوس كەلىنشەك تە تۋعان جەردە ءوز كاسىپتەرىن اشىپ، ءوز ايماعىنىڭ دامۋىنا قولدان كەلگەنشە ۇلەستەرىن قوسىپ وتىر.

ال، بۇل جونىندە ەلباسى نۇرسۇلتان نازارباەۆ “پاتريوتيزم كىندىك قانىڭ تامعان جەرىڭە، وسكەن اۋىلىڭ مەن وڭىرىڭە، ءوز تۋعان جەرىڭە دەگەن سۇيسپەنشىلىكتەن باستالادى... تۋعان جەر كەز-كەلگەن ادامنىڭ جۇرەك تۇكپىرىندە. ال، ونى الديلەپ وتپەيتىن جان بولمايدى” دەگەن بولاتىن.

Abai.kz