ياندەكس تاكسيدىڭ دە، پاتەردىڭ دە يەسى قازاق

وسىندا ىشتە قالماسىن دەپ، لايك پەن پىكىر جيناپ الايىق، ادەمى ءبىر سۋرەتىمىزدى قويىپ جىبەرىپ، پوست جازۋعا جۇگىرەمىز عوي. اقيقاتى وسى. ال ەندى اڭگىمەگە توتەسىنەن كەلەيىن.

ياندەكس تاكسيگە تاپسىرىس بەرگەن كەلىنشەگىمدى باسقا ەمەس، قازاقتىڭ ءۇش بىردەي جىگىت ساندالتىپ جىبەردى. ءبىر ەمەس، ءۇش رەت قايتالانعان وقيعا. اينالدىرعان جۇرگىزۋشىڭ مادەنيەتىن بىلمەيمىز. ايتساڭ، ەرەگەسەدى، رەنجيدى. كوڭىلشەكتەر شەتىنەن.

العاش جاپ-جاس جىگىت يت قىلدى. باراتىن جەرگە جەتپەي، ءبىر كوشە كەلىپ العاندا، ايەلىم حابارلاسسا “وسىندا كەلە سال” دەپ بۇيىرىپتى. قارنى قامپيىپ ول قالاي جەتەدى ؟

ەكىنشىسى وتىرىك اينالدىرىپ، اقشا جاساپ قالۋدىڭ امالىن جاساۋ ءۇشىن ايەلىمدى سالىپ الىپ جۇرە بەرىپتى. ول دا قازاق! ۇلكەن كىسى.
ءۇشىنشىسى كەشە عانا، ۇلكەن كىسى، “كەلە سال، داۋىسىڭا قاراسام، جاسسىڭ عوي” دەپتى. اكەڭنىڭ… ياندەكس تاكسيگە تىركەلگەن كەزدە نە شەگەدى وسىلار؟
پاتەردىڭ جىرى ءبىر بولەك. كەلىنشەكتىڭ اياعى اۋىر دەپ ايتىپ ءجۇرىپ پاتەردە قالدىق قوي. ونىڭ وزىندە ءۇي يەسىنىڭ قىزىنا ايتىپ ءجۇرىپ، ايتپەسە، كوكەمە سالساڭ، ايەل سەنىكى، ماعان نە قىل دەيسىڭ دەگەلى تۇر.

كرىشاداعى باعالاردى كورىپ، جۇرەگىڭ اۋىرادى. جەردىڭ ءبىر جەرىندەگى ءبىر بولمەلى پاتەر 110.000 تەڭگەدەن باستالادى.

وتكەندە ءوزىم ياندەكستە وتىرىپ، مەنىمەن جاستى جىگىتتىڭ، ۋاتساپتاعى سەرىگىنە (ول دا ياندەكسكە جاتىپ العان عوي) “بۇگىن بىرەۋدى قاداپ كەتتىم ششس… اينالىپ ءجۇرىپ الدىم دەپ” اڭگىمەنى جىبەرىپ وتىر. تىڭداپ وتىرىپ قۇسقىڭ كەلەدى. ساۋدىڭ تاماعىن جەپ، جىندىنىڭ ءىسىن قىلاتىنداي قازاقتىڭ بالاسىنا نە كورىندى سونشا؟

اقشادان ءولىپ بارا جاتساڭ دا، ىسىڭە ادال، كاسىبىڭە جاۋاپكەرشىلىكپەن قاراۋ كەرەك. ورىستار جارىقتىق، سەنەن ەشتەڭە سۇرامايدى. ۇيىڭنەن الىپ كەتىپ، كورسەتكەن جەرگە جەتكىزەدى. ال قازاقتىڭ بالاسى ء(بارى ەمەس ي) جىلاڭقى: “مىنا جەردەن تاستاي سالايىن، وسى جەر مە، ايتپايسىڭ با…” مىنە، وسى اڭگىمەلەرى. وسىدان كەيىن قوعامداعى قازاق قىزى ءسوزى كوپ، قاتىنعا ۇقسايدى دەپ قازاق جىگىتتەرىن جەردەن الىپ، جەرگە سالىپ جاتسا، قاي بەتىڭمەن تۇرىپ وعان ء“تىلىڭدى تارت!” دەپ ايتا الاسىڭ؟!

ۇساق اڭگىمە كوپ. بىتپەيتىن سىلتاۋ. ايتەۋ ايلاسىن اسىرىپ اقشا تابۋ. اياعى اۋىر كەلىنشەكتىڭ بەتىنە قاراپ تۇرىپ “وسى جەردەن تاستاپ كەتەم، مەن بىلەم عوي” دەپ زەكىپ وتىرعان كوكەمە جۇدىرىق الىپ جۇگىرەيىن بە ەندى؟
كەيدە ويلايمىن، “مەنىڭ كۇيەۋىمنىڭ كىم ەكەنىن بىلەسىڭ بە؟” دەپ ايەلىم ايتىپ وتىراتىنداي ءبىر جۇمىسقا كىرىپ الۋ كەرەك ەدى…

مارعۇلان اقان

Abai.kz