الماتىدا قىتاي كونسۋلدىعى الدىندا نارازىلىققا ەكى ءجۇز كۇن تولعاندا شىڭجاڭداعى تۋىستارىنا بوستاندىق سۇراعان ادامدار دالادا تۇنەپ شىقتى. ولاردى پوليتسيا كونسۋلدىققا جولاتپاعان، بىراق تۇنىمەن كۇزەتكەن. اكتسياعا قاتىسۋشىلار تۋىستارىمىز كەلمەي، كونسۋلدىق ماڭىنان كەتپەيمىز دەيدى.

"باسقا جول جوق. كەشە اكتسيانىڭ 199-كۇنىندە كونسۋلدىقتىڭ الدىندا تۇنەپ قالۋدى شەشتىم. قىتاي ەلىنە ەشقانداي قارسىلىعىمىز جوق، ءبىز بۇل ساياساتتى جۇرگىزىپ جاتقان ادامعا نارازىمىز", - دەدى ولاردىڭ ءبىرى.

قىتاي وسىعان دەيىن كونسۋلدىقتىڭ الدىنا شىققانداردىڭ تۋىستارى شىڭجاڭدا "زاڭ بۇزعانى ءۇشىن جازاسىن وتەپ جاتىر" دەگەن.

اكتسياعا قاتىسۋشىلاردىڭ ءبىرى بىرنەشە رەت پوليتسيا تاراپىنان قامالىپ، ايىپپۇل تولەۋگە مىندەتتەلگەن.

شىڭجاڭدا ميلليوننان استام مۇسىلمان ازشىلىق ءدىني جانە ەتنيكالىق ماسەلەگە بايلانىستى قۋدالاۋعا ۇشىراعانى جونىندە 2018 جىلى بۇۇ-نىڭ ادام قۇقىقتارى جونىندەگى كوميتەتىنىڭ بايانداماسى جاريالانعان. حالىقارالىق قاۋىمداستىقتىڭ سىنىنا قاراماي، قىتايدا ۇيعىر، قازاق، قىرعىز سياقتى مۇسىلمان ازشىلىقتى قىسىمعا الىپ، "قايتا تاربيەلەۋ" لاگەرلەرىنىڭ سانى 40% وسكەنىن اۆستريانىڭ ستراتەگيالىق ساياسات ينستيتۋتى مالىمدەگەن.

قىتاي بيلىگى بولسا مۇنى تەرىسكە شىعارىپ، "كاسىبي قايتا دايىنداۋ" جانە "ەكسترەميزمگە قارسى كۇرەس ورتالىقتارىن" قۇردىق دەپ كەلەدى.

Abai.kz