پارلامەنت ءماجىلىسىنىڭ باسشىلىعى جانە دەپۋتاتتارى جامبىل وبلىسىنداعى وق-دارىلەر قويماسىنداعى جارىلىستاردان قازا تاپقانداردىڭ وتباسىلارى مەن جاقىندارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋلەرىنە تىلەكتەستىك ءبىلدىردى.

«جامبىل وبلىسىندا ورىن العان قايعىلى وقيعا بارشا قازاقستاندىقتاردىڭ قابىرعاسىن قايىستىردى. اسكەري بورىشىن وتەۋ جولىندا قايتىس بولعانداردىڭ وتباسىنا، تۋعان-تۋىستارىنا بارلىق دەپۋتاتتىق كورپۋس اتىنان كوڭىل ايتامىن»، - دەدى ءماجىلىس توراعاسى نۇرلان نىعماتۋلين.

سونداي-اق، پالاتا سپيكەرى اپات ورىن العان كەزەڭنەن باستاپ، مەملەكەت باسشىسى ءوز باقىلاۋىنا العانىن، وقيعا ورنىندا جەدەل شتاب جۇمىس ىستەپ جاتقانىن ايتىپ، زارداپ شەككەندەرگە سابىر مەن بەكەمدىلىك تىلەدى.

Abai.kz