الماتى وبلىسىنا كەلەتىن تۋريستەر سانى بىلتىرعىمەن سالىستىرعاندا 25 پايىزعا كوبەيگەن.

ياعني جارتى جىلدىڭ ىشىندە وڭىرگە 530 مىڭنان اسا ادام كەلگەن. تۋريستەردىڭ كوبى الاكولدىڭ شيپالى سۋىنا شومىلىپ، كولسايدا دەمالادى.

كولساي –جەتىسۋداعى ەڭ كورىكتى جەرلەردىڭ ءبىرى. ول جوعارعى، ورتاڭعى جانە تومەنگى كولساي دەپ اتالاتىن ءۇش كولدەن تۇرادى.

شىڭعىس قاليدەن، ءتىلشى:

- تومەنگى كولساي كولى تەڭىز دەڭگەيىنەن 1800 مەتر بيىكتىكتە ورنالاسقان. ونىڭ جالپى اۋماعى – 33 مىڭ شارشى مەتر. ال تەرەڭدىگى 40 مەترگە دەيىن جەتەدى. تۇمسا تابيعاتتى كورۋگە قۇشتار تۋريستەردىڭ كوبى وسى جەرگە كەلەدى.

الاتاۋدىڭ باۋرايىنداعى كوز تارتاتىن كورىكتى مەكەنگە بيىل 110 مىڭنان استام اسا ادام كەلدى. تاۋلارى قاراعايمەن كومكەرىلگەن ايماقتا تۋريستەر ءۇشىن بىرنەشە باعىت ازىرلەنگەن. سونىمەن قاتار تازا اۋامەن تىنىستاپ، قايتالانباس تابيعات سۇلۋلىعىن تاماشالاپ قايتۋعا بولادى.

قازاقستاننىڭ التىن ورداسى، وسى تابيعاتتا دەم العاننىڭ ءوزى راحات. قازاقتىڭ مىقتى جەرى دەۋگە بولادى. كولسايداعى ەتنواۋىلدا حالقىمىزدىڭ وتكەن عاسىرداعى تۇرمىس-تىرشىلىگى دارىپتەلگەن. وندا قۇسبەگىلىك، ساياتشىلىق سىندى بەكزات ونەرمەن دە تانىسۋعا مۇمكىندىك بار. بۇعان اسىرەسە شەتەلدىكتەردىڭ قىزىعۋشىلىعى جوعارى»،-دەيدى تۋريست قايىپبەرگەن مۇراتباەۆ.

الماتى وبلىستىق تۋريزم باسقارماسى باسشىسىنىڭ مىندەتىن اتقارۋشى ازامات مۇحامەتكارىموۆتىڭ سوزىنە سەنسەك، 2021 جىلعى 6 اي كورسەتكىشى بويىنشا الاكول كولىنىڭ جاعالاۋىنا 230 مىڭ ادام كەلگەن. قاپشاعاي سۋ قويماسىنىڭ كولىنە 250 مىڭداي ادام. بالقاش كولىنىڭ جاعالاۋىنا 6 مىڭداي ادام كەلگەن. بۇل بىلتىرعى كورسەتكىشتەرمەن سالىستىرعاندا سالىستىرعاندا ەداۋىر وسكەنى بايقالادى. بۇل كورسەتكىشتەر تۋريزم سالاسىنىڭ ءوز قالپىنا كەلە باستاعانىن ءوسۋ ديناميكاسىن بايقالادى.

الماتى وبلىسىندا التىنەمەل، شارىن، كولساي سىندى 5 ۇلتتىق پارك بار. ودان بولەك، ءوڭىردىڭ وڭتۇستىگىندە قىسقى تۋريستىك كەشەندەر جۇمىس ىستەيدى. سالا ماماندارى جىل سوڭىنا جەتىسۋ جەرىنە كەلەتىن تۋريستەر سانى 1 ملن 400 مىڭعا جۋىقتايدى دەپ بولجام جاساپ وتىر.

Abai.kz