"قاراباقتى قالپىنا كەلتىرۋ سالاسىنداعى ينۆەستيتسيالىق ىنتىماقتاستىقتى ودان ءارى دامىتۋ ءۇشىن ۇلكەن الەۋەت بار" دەيدى ءازىربايجان پرەزيدەنتى اكىمشىلىگىنىڭ سىرتقى ساياسات ءبولىمىنىڭ مەڭگەرۋشىسى حيكمەت گادجيەۆ.

ازەربايجاننىڭ مالىمەتىنشە سوعىستان 8 قالا مەن 10 مىڭ شارشى مەتردەن استام اۋماق تولىق قيراتىلعان. ونى قايتا قالپىنا كەلتىرۋ جۇمىستارى باستالىپ كەتتى.

ء"بىز قايتا قالپىنا كەلتىرۋ پروتسەسىن باستادىق، ونىڭ ىشىندە وسى اۋماقتاردى رەينتەگراتسيالاۋ ىسكە اسۋدا. ءازىربايجان ءۇشىن باسىم باعىت ينفراقۇرىلىمدى قۇرۋ بولىپ تابىلادى. سەبەبى بۇل ايماقتا ينفراقۇرىلىم جوق، سوعىستان قيراپ قالعان. ينفراقۇرىلىمدىق جوبالاردان كەيىن ءازىربايجان وندا "اقىلدى قالالار" مەن "اقىلدى اۋىلدار" تۇجىرىمداماسىن قۇرۋعا نيەتتى.

ءبىز باۋىرلاس ەلدەردىڭ قاراباقتى قالپىنا كەلتىرۋ پروتسەسىنە قاتىسۋىن كورگەنىمىزگە وتە قۋانىشتىمىز، ويتكەنى قاراباق تۇركى الەمىنىڭ، تۇركى وركەنيەتىنىڭ بولىگى بولىپ تابىلادى. ءبىزدىڭ ينفراقۇرىلىمدىق جوبالاردان كەيىن ينۆەستيتسيالىق جوبالار دايىندالادى. ءبىز مۇنى تۇركى كەڭەسى اياسىندا باۋىرلارىمىزبەن تالقىلاۋدى جوسپارلاپ وتىرمىز", - دەدى ول.

جالپى قاراباقتى قايتا كەلتىرۋ جوبالارىنا ازەربايجان تۇركى مەملەكەتتەرىن شاقىرۋدا.

Abai.kz