ارقانكەرگەن وقيعاسىنا قاتىستى ىلە-شالا ونىڭ سەبەبىن از-كەم تالداعان جورامالىمىز جاريا بولعان ەدى. (سىرىم دات. ارقانكەرگەن: وركەننىڭ تۇسپالىن تەرەڭدەتسەك.  http://old.abai.kz/content/syrym-dat-arkankergen-orkennin-tyspalyn-terendetsek )

اتالمىش وقيعانىڭ تەرگەلۋى مەن سەبەبىنىڭ ىندەتىلۋى تۇيىققا تىرەلىپ، رەسمي كەلتىرىمدەر مەن دايەكتەر، ستسەناريلەر مامانداردى بىلاي قويعاندا، قاراپايىم بۇقارانى سەندىرە الماۋدا.

بۇل وقيعانى كورىپكەلدىكپەن بولجاۋدان گورى، ءاربىر قىلمىستىڭ قاسىندا جاۋابى مەن ايعاعى بولاتىنى سەكىلدى جايتتارعا كوڭىل اۋدارۋ جەتكىلىكتى بولماق. وقيعا سەبەبىنىڭ اشىلۋى تۇيىققا تىرەلگەنىمەن، ماسەلە ىشكى نەمەسە سىرتقى ساياسي جايتتاردا ەكەنى كوزگە تۇسە باستادى.

وكىنىشكە وراي،  ءبىز كەلتىرگەن جورامالدى كوڭىلىمىز سونشا قالاماسا دا، سول وقيعا قارساڭىندا جانە سودان كەيىن بىرىنەن سوڭ ءبىرى سول تۇستاعى كورشى تاراپىنان بولعان جايتتار تاعى دا امالسىز نازارىمىزدى بۇرعىزىپ وتىر. اتاپ وتسەك:

- قازاقستانداعى جاريالانعان ازا تۇتۋ كۇنىنە قىرعىزستان مەن بەلارۋس جاقتان كوڭىل ايتىلىپ، رەسەي تاراپىنان بۇل وقيعانىڭ ەلەنبەۋى;

- رەسەيدىڭ «جاڭا» پرەزيدەنتىنىڭ قىتاي ساپارىنان كەلە جاتىپ، «رەسمي ساپارمەن» جولايى تۇردە قازاقستانعا سوعا كەتۋى;

- سول قارساڭدا رەسەي تاراپىنان سارىشاعان پوليگونىنا اسكەري زىمىران جىبەرىپ، اسكەري باسىمدىق كورسەتۋ;

ارقانكەرگەن وقيعاسىنا قاتىستى ىلە-شالا ونىڭ سەبەبىن از-كەم تالداعان جورامالىمىز جاريا بولعان ەدى. (سىرىم دات. ارقانكەرگەن: وركەننىڭ تۇسپالىن تەرەڭدەتسەك.  http://old.abai.kz/content/syrym-dat-arkankergen-orkennin-tyspalyn-terendetsek )

اتالمىش وقيعانىڭ تەرگەلۋى مەن سەبەبىنىڭ ىندەتىلۋى تۇيىققا تىرەلىپ، رەسمي كەلتىرىمدەر مەن دايەكتەر، ستسەناريلەر مامانداردى بىلاي قويعاندا، قاراپايىم بۇقارانى سەندىرە الماۋدا.

بۇل وقيعانى كورىپكەلدىكپەن بولجاۋدان گورى، ءاربىر قىلمىستىڭ قاسىندا جاۋابى مەن ايعاعى بولاتىنى سەكىلدى جايتتارعا كوڭىل اۋدارۋ جەتكىلىكتى بولماق. وقيعا سەبەبىنىڭ اشىلۋى تۇيىققا تىرەلگەنىمەن، ماسەلە ىشكى نەمەسە سىرتقى ساياسي جايتتاردا ەكەنى كوزگە تۇسە باستادى.

وكىنىشكە وراي،  ءبىز كەلتىرگەن جورامالدى كوڭىلىمىز سونشا قالاماسا دا، سول وقيعا قارساڭىندا جانە سودان كەيىن بىرىنەن سوڭ ءبىرى سول تۇستاعى كورشى تاراپىنان بولعان جايتتار تاعى دا امالسىز نازارىمىزدى بۇرعىزىپ وتىر. اتاپ وتسەك:

- قازاقستانداعى جاريالانعان ازا تۇتۋ كۇنىنە قىرعىزستان مەن بەلارۋس جاقتان كوڭىل ايتىلىپ، رەسەي تاراپىنان بۇل وقيعانىڭ ەلەنبەۋى;

- رەسەيدىڭ «جاڭا» پرەزيدەنتىنىڭ قىتاي ساپارىنان كەلە جاتىپ، «رەسمي ساپارمەن» جولايى تۇردە قازاقستانعا سوعا كەتۋى;

- سول قارساڭدا رەسەي تاراپىنان سارىشاعان پوليگونىنا اسكەري زىمىران جىبەرىپ، اسكەري باسىمدىق كورسەتۋ;

- سول قارساڭدا ءپۋتيننىڭ اقتوبە مەن قوستاناي وبلىستارىنىڭ جەرىن تۇرعىندارىمەن قوسا جالعا الۋ تۋرالى اقپارات تاراتىلۋى;

- رەسەي پرەزيدەنتىنىڭ قازاقستانعا اەس  سالىپ بەرۋگە كەلىسىپ، تەحنولوگيالىق وركەنيەتى اسا جەتىلگەن جاپونيا اەس-تەن باس تارتۋىنا قاراماستان، رەسەيلىك قاتەرلى تەحنولوگيانى تىقپالاۋى;

- ارتتا قالعان رەسەيلىك ءاۆتووندىرىستى قازاقستانعا اكەلۋگە كەلىسۋى ت.ت.

اتالمىش جايتتى قاراستىرعاندا، كسرو تاريحىندا بولعان ستاليندىك باسقىننان كورىنىس بەرەتىن ءبىرشاما وقيعالاردى تىزبەلەگەن بەلگىلى تۇركيالىق تاريحشى، ساياساتتانۋشى ابدىۋاقاپ قارانىڭ «ءستاليننىڭ تۇركياعا جاساعان قوقان-لوققىسىن پۋتين قازاقستانعا قولدانۋدا» (http://www.arasha.kz) اتتى ماقالاسى دا نازاردى اۋدارتىپ وتىر.

جالپى العاندا، ارقانكەرگەن وقيعاسى قازاق قوعامىن مەملەكەتتى باسقارۋعا، ونىڭ ساياسي شەشىمدەرىنە كوزقاراس ءبىلدىرىپ، قاجەت جاعدايدا بيلىككە رۋحاني قولداۋ كورسەتۋدەن ۇيالماۋى كەرەك. ويتكەنى، تاۋەلسىزدىك - ار مەن ۇياتتان دا جوعارى كاتەگوريا، كيەلى قۇندىلىق. تاۋەلسىزدىكتى جوعالتپاۋعا ءاربىر قازاقتىڭ ءۇنى قوسىلعاندا، ءار قازاقتىڭ كۇشى بىرىككەندە سونشالىقتى كولەمدە بولماق. قالعانىنىڭ ءبارى بايبالام مەن كوبىك ءسوز.

«اباي-اقپارات»