The Village Kazakhstan رەداكتسياسىنىڭ ءجۋرناليسى اسەم جاپىشەۆا وسىدان ءۇش جىل بۇرىن تۇركىستان وبلىسى اباي اۋىلىندا زورلانعان بالا تۋرالى ماتەريال ءۇشىن الدەكىمدەردىڭ قىسىم جاساپ جاتقانىن حابارلاعان.

ول Facebook پاراقشاسىندا: «رەپورتاج جاريالانعاننان كەيىن ماعان ماتەريالدى الىپ تاستاۋدى تالاپ ەتىپ، وزدەرىن ءار ءتۇرلى ۆەدومستۆولاردىڭ وكىلى رەتىندە تانىستىرعان بەلگىسىز ادامداردان تەلەفون ارقىلى قورقىتۋلار باستالدى»,- دەپ جازدى.

اتالعان ماتەريالدا بالانىڭ وتباسى كۇنى بۇگىنگە دەيىن قىسىم كورىپ كەلە جاتقانى جازىلعان. ماسەلەن، زورلانعان بالانىڭ اجەسى ءالى كۇنگە ەمىن-ەركىن سىرتقا شىعا المايتىندارىن ايتادى.

- زورلىق كورسەتكەن بالانىڭ اناسى بىزگە بالتامەن، پىشاعىمەن كەلىپ، قورقىتىپ، بالاسىنىڭ تۇرمەگە كەتكەنى ءۇشىن بىزگە قارعىس ايتادى. كەشە عانا ول قايتادان كەلدى، بىراق پوليتسيا وعان ەشتەڭە ىستەي المايدى، - دەيدى.

بالالاردىڭ اكەسى جوق. ال، الماتىدا اسپاز بولىپ جۇمىس ىستەپ جۇرگەن اناسىنىڭ ۇلدارىن ءوز قولىنا الۋعا ءالى شاماسى كەلمەيدى. سوندىقتان، بالالار اجەلەرىنىڭ قولىندا.

اتالعان وقيعادان سوڭ (3 جىل بۇرىن), پرەزيدەنت بالا قۇقىقتارى جونىندەگى ومبۋدسمەن زاعيپا باليەۆانى الىپ تاستاپ، ونىڭ ورنىنا ارۋجان سايندى تاعايىندادى. ودان سوڭ، ساين بالالاردىڭ ءوز قورىندا ىستەيتىن قىزدىڭ پاتەرىندە تۇراتىنىن، بالانىڭ باسقا مەكتەپكە باراتىنىن ايتقان. الايدا، سايننىڭ ۋادەسى ورىندالماپتى.

«ءبىز كەزدەيسوق ولاردىڭ ءالى دە وسى ۇيدە تۇراتىنىن بىلدىك. ال، بۇكىل قازاقستان ولارعا الماتىدان باسپانا بەرىلگەنىنە سەنىمدى بولدى. الايدا، جاعداي مۇلدە ولاي ەمەس ەكەنى بەلگىلى بولدى. قازىر، ولار ەسىكتى اشپايدى جانە تەك دارەتحاناعا بارۋ ءۇشىن قاقپادان شىعادى: ەسكىرگەن ەسكى ۇيدە دارەتحانا دا جوق، ەڭ باعالىسى - ناشار جۇمىس ىستەيتىن تەلەديدار» ،- دەپ جازادى The Village Kazakhstan.

ماقالادان سوڭ، ارۋجان ساين الەۋمەتتىك جەلىدە بالا مەن ونىڭ اناسى الماتىدا تۇراتىنىن جازدى.

«بالا مەن ونىڭ اناسى بىرنەشە جىلدان بەرى الماتىدا تۇرادى. ءبىز مۇنى انىق بىلەمىز. ويتكەنى ولار ەرىكتىلەر تەگىن بەرگەن پاتەردە تۇرادى. ولار كاۆتيراعا ريزا جانە ونى تاستاپ كەتكەن جوق. بالا مەكتەپكە بارادى، دەنساۋلىعى جاقسى، اناسى جۇمىس ىستەيدى. ءبىزدىڭ قور بالانىڭ پسيحولوگيالىق ساباقتارىنىڭ اقىسىن تولەدى، ولار وڭ ناتيجە بەردى.

بۇگىن مەن بالانىڭ اناسىمەن سويلەستىم. بالا مەكتەپتە بولدى، دەمالىس كەزىندە ەكەۋى دە اجەسىنە قوناققا بارادى. ول اجەسىمەن سۇحبات تۋرالى جانە ماقالا تۋرالى ەشتەڭە بىلمەيدى. ال، ماقالادا ايتىلعان بالانىڭ اۋىلدا تۇراتىنى تۋرالى اقپارات تاراعان راس ەمەس», - دەيدى ارۋجان ساين.

الايدا، اسەم جاپىشەۆا ماقالا جاريالانار الدىندا سايننىڭ وكىلدەرىمەن بىرنەشە رەت حابارلاسقانىن، بىراق، ولاردان ەش جاۋاپ بولماعانىن ايتادى. سونداي-اق، جۋرناليست ساينعا:

«زورلانعان بالانىڭ وتباسىنا نەگە پاتەر بەرىلمەدى؟ كۇن سايىن قورقىتۋ-ۇركىتۋ كورىپ جۇرگەن اجەگە كىم قارايلاسادى؟ ماقالانى وقىپ، ۆيدەونى كوردىڭىز بە؟ نەلىكتەن اناسى قورقادى جانە ءوزىن ناشار سەزىنەتىنىن ايتادى؟ جاۋاپتىلار نەگە ءالى ءوز ورنىندا وتىر؟ نەلىكتەن بالانىڭ اجەسى ءسىزدىڭ ەرىكتىلەر بەرگەن پاتەرىڭىزدەن الدەقاشان قۋىلعانىن ايتتى؟» دەگەن سۇراقتار قويدى.

بىراق، ارۋجان ساين ءجۋرناليستىڭ ەشبىر ساۋالىنا جاۋاپ بەرمەگەن.

بۇل جاعدايعا قاتىستى داۋدان كەيىن اقپارات جانە قوعامدىق دامۋ مينيسترلىگى پىكىر ءبىلدىرىپ، ءوز تاراپىنان جۋرناليستەردىڭ قۇقىعىن قورعاۋعا كومەكتەسۋگە دايىن ەكەنىن ايتىپتى.