16 قىركۇيەك «ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستاردى الەۋمەتتەندىرۋ جونىندەگى شارالاردى ازىرلەۋ جانە ىسكە اسىرۋ (NEET كاتەگورياسى)» جوباسى اياسىندا TEDx فورماتىنداعى كەزدەسۋ ءوتتى.

ءىس-شارانىڭ سپيكەرلەرى رەتىندە «QazAlliance» شەت ەلدەگى قازاقستاندىقتار بىرلەستىگى پرەزيدەنتى  الىشەر تۇرسىن, راديو ORDA FM جۇرگىزۋشىسى مايرا تولەپبەرگەن, BTS Educatiuon كونسۋلتاتى باۋىرجان
ابۋوۆ جانە «EVEREST» ۆولەيبول كلۋبىنىڭ جەتەكشىسى  ادىلەت دوقتىربەك قاتىستى.

كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە جاستار ءوزىن-ءوزى قاي سالالاردا بەلسەندى دامىتۋى كەرەكتىگىتۋرالى; PR جانە مەديا-مەنەدجمەنت جانە ولاردىڭ جۇمىسقا ورنالاسۋداعى ءرولى تۋرالى; جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى جانە ت. ب. جايىندا ءسوز بولدى.

جوبا ساراپشىسى ا.بۋركىتالين: «جوبا NEET ساناتىنداعى جاستاردى الەۋمەتتەندىرۋ مەن دامىتۋ جوباسى اياسىندا ۇيىمداستىرىلدى. ءىس -شارا بارىسىندا ءبىزدىڭ سپيكەرلەر مانساپ پەن جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن ءبولىستى. بۇل كەڭەستەر جاستاردى بولاشاق ومىرلىك جوسپارلارىنا ىنتالاندىرادى دەپ ويلايمىن. سپيكەرلەر جاستارعا ءوز ومىرىندە تابىستى ادام بولۋ ءۇشىن وزىنە جانە ءوز مۇمكىندىكتەرىنە سەنۋگە كومەكتەسەدى.

كەزدەسۋ NEET ساناتىنداعى جاستار اراسىندا قارىم-قاتىناستى ىنتالاندىرۋ جانە يدەيالارمەن ءبولىسۋ ماقساتىندا، نۇر-سۇلتان قالاسىنىڭ ترياتلون ساياباعىندا اشىق اسپان استىندا ءوتتى.

جوبا «ازاماتتىق باستامالاردى قولداۋ ورتالىعى» كەاق مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن باتىس قازاقستان وبلىسى بويىنشا «بولاشاق» كورپوراتيۆتىك قورىمەن «Jas Otan» جاستار قاناتىمەن بىرلەسىپ جۇزەگە اسىرۋدا.

Abai.kz