ەكولوگيالىق اقپاراتقا اشىق قولجەتىمدىلىك قاجەت
ءماجىلىس توراعاسى نۇرلان نىعماتۋلين ازاماتتىق قوعامنىڭ قورشاعان ورتانى قورعاۋعا قاتىسۋىنىڭ اشىق تەتىكتەرىنىڭ قاجەتتىگىنە نازار اۋداردى.
بۇگىن جالپى وتىرىستا دەپۋتاتتار «كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا كاسپي تەڭىزىن جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋدان قورعاۋ جونىندەگى حاتتامانى راتيفيكاتسيالاۋ تۋرالى» زاڭ جوباسىن ماقۇلدادى.
حاتتامانىڭ ماقساتى - كاسپي تەڭىزىنىڭ جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋىن بولعىزباۋ، ازايتۋ، باقىلاۋ جانە بارىنشا مۇمكىن بولاتىن جويۋ بولىپ تابىلادى.
وسىعان وراي، دەپۋتاتتار ەكولوگيا، گەولوگيا جانە تابيعي رەسۋرستار مينيسترلىگىنە حالىقتىڭ كاسپي تەڭىزىن قورعاۋ جونىندەگى ءىس-شارالارعا قاتىسۋ تەتىكتەرى تۋرالى ماسەلەنى قويدى.
نۇرلان نىعماتۋليننىڭ ايتۋىنشا، جەر قويناۋىن پايدالانۋشىلاردىڭ كەلىسىمشارتتارىندا كورسەتىلگەن بارلىق ەكولوگيالىق مىندەتتەمەلەرى بويىنشا تولىق جانە سەنىمدى اقپارات قوعامنىڭ كاسپي تەڭىزىن قورعاۋعا دا، جالپى قورشاعان ورتانى قورعاۋعا دا قاتىسۋى ءۇشىن باستى شارت بولىپ تابىلادى.
پالات سپيكەرى بۇل قوعامنىڭ كاسپي تەڭىزىن قورعاۋعا دا، جالپى قورشاعان ورتانى قورعاۋعا دا قاتىسۋىنىڭ باستى شارتى ەكەنىن ايتتى.
جالپى العاندا، حاتتامادا لاستانۋ كوزدەرىن باقىلاۋ جونىندەگى شارالارعا نەگىزدەلگەن وڭىرلىك جانە ۇلتتىق باعدارلامالاردى نەمەسە ءىس-قيمىل جوسپارلارىن قابىلداۋ كوزدەلەدى.
Abai.kz
